گه‌ڕان

Shadow Shadow
سیاسه‌تی

پۆلیس دەستگیریان کرد

دەربەندیخان؛ گەنجێک بەناوی دوعا و نوشتەوە 16 ملیۆن دیناری لە کچێک وەرگرتووە

2022.08.24 - 10:57
App store icon Play store icon Play store icon
دەربەندیخان؛ گەنجێک بەناوی دوعا و نوشتەوە 16 ملیۆن دیناری لە کچێک وەرگرتووە

ناس کورد-

بەڕێوەبەرایەتی بەرەنگاربوونەوەی توندوتیژی دژی ئافرەتان‌ و خێزان لە دەربەندیخان تۆمەتبارێکیان دەستگیرکرد کە بەناوی دوعا و نوشتەوە 16 ملیۆن دیناری لە کچێک وەرگرتووە.

کەناڵی ناس کورد لە تێلیگرام جۆین بکە   

 

بەڕێوەبەرایەتییەکە لە ڕاگەیەنراوێکدا دەڵێت، شەوی 22ی ئابی 2022، مەفرەزەیەك لە ئەفسەر و كارمەندی نوسینگەی دەربەندیخانی سەر بەبەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان تۆمەتبارێكی تۆڕەكۆمەڵایەتیەكانیان بە ناوی ( ش . ن . ڕ ) كە بە ڕەگەز كوردە و تەمەنی 29 ساڵە دەستگیركرد.


دەشڵێت، "تۆمەتبار بە ناوی نوشتەو دوعاوە بڕی 16 ملێۆن دیناری لە كچێك وەرگرتووە‌ و بەردەوام هەڕەشەی زۆر توندی لێ كردووە‌و ترساندوویەتی، پاش وەرگرتنی زانیاری ووردو ماندووبونێكی زۆر توانرا دەستگیر بكرێت‌و رادەستی یاسا بكرێت."


"دادوەری لێكۆڵینەوەی دەربەندیخان بە پێی ماددەی 456 لە یاسای سزادانی عێراقی پەڕاوی لێكۆڵینەوەی بۆ کردووەتەوە،" بەڕێوەبەرایەتییەکە وا دەڵێت.


جەختیکردووەتەوە کە "لە ئێستادا تۆڕە كۆمەڵایەتیەكان بووەتە سەرچاوەی هەرە زۆری كێشەكانی خێزان ‌وهەڵخەڵەتاندنی گەنجان بە تایبەت ئافرەتان."