گه‌ڕان

Shadow Shadow
سیاسه‌تی

زانیاریی زیاتر

میتی تورکیا کوشتنی بەرپرسێکی تری ڕۆژئاوای ڕاگەیاند

2022.08.21 - 12:22
App store icon Play store icon Play store icon
میتی تورکیا کوشتنی بەرپرسێکی تری ڕۆژئاوای ڕاگەیاند

ناس کورد-

دەزگای هەواڵگریی نیشتمانیی تورکیا (میت) ڕایگەیاند، لە ئۆپراسیۆنێکدا محێددین گولۆ، بەرپرسی ئاکادیمی هەبات دەریک کە مەشقی سەربازیی بە گەریلاکانی یەپەگە دەکات لە چالاکی خراوە.

کەناڵی ناس کورد لە تێلیگرام جۆین بکە   

 

ئاژانسی ئەنادۆڵو لە زاری سەرچاوە ئەمنییەکانەوە (21ی ئابی 2022) دەڵێت، محێددین گولۆ کە یەکێک بووە لە بەرپرسانی ئاکادیمی هەبات دەریک کە مەشقی سەربازیی و ئایدۆلۆجی بە چەکدارانی بە پەکەکە/یەپەگە کردووە، لە نۆی ئابدا لە ئۆپەراسیۆنێکی دەزگای هەواڵگریی نیشتمانیی تورکیادا لە قامیشلۆ لە چالاکی خراوە.

 

دەشڵێت، "گولۆ رۆلی کاریگەری بینیوە لە زۆرێک لەو هێرشانەی کراونەتە سەر هێزە ئەمنییەکانی تورکیا و لە ریزی رێکخراوەکەدا چالاکی دژبە سوپای نیشتمانیی سووریا هەبووە لە میانی ئۆپەراسیۆنەکانی کانی ئاشتیی و لقی زەیتووندا."

 

جەختیکردووەتەوە کە "گولۆ کە یەکێک بووە لە بەناو بەڕێوەبەرانی ئاکادیمی بەناوی بەهات دەریک کە مەشقی بە چەکدارانی رێکخراوەکە کردووە لەسەر بەکارهێنانی چەک، دروستکردنی بۆمب و کوشتن، هاوکات مەشقی بە چەکدارەکانی رێکخراوەکە کردووە لەسەر ئەنجامدانی چالاکی دژبە یەکەکانی سوپای تورکیا لە ناوخۆی ئەو وڵاتە و سووریا."