گه‌ڕان

Shadow Shadow
سیاسه‌تی

نوێ

نوسراوێکی پارێزگاری سلێمانی هەرا دەنێتەوە.. 65 هەزار پارچە زەوی چی لێکراوە؟

2022.08.18 - 19:48
App store icon Play store icon Play store icon
نوسراوێکی پارێزگاری سلێمانی هەرا دەنێتەوە.. 65 هەزار پارچە زەوی چی لێکراوە؟

ناس کورد- 

عەلی حەمەساڵح، ئەندامی پەرلەمانی كوردستان ڕایگەیاند، پارێزگاری سلێمانی هەر لەخۆیەوە نوسراوێکی کردووە و بەهۆیەوە هەزاران پارچە زەوی پێ تەخشان و پەخشان کراوە.

کەناڵی ناس کورد لە تێلیگرام جۆین بکە   

 

عەلی حەمەساڵح، ئەندامی پەرلەمانی كوردستان (پێنجشەممە 18-8-2022) بە دەنگی ئەمەریکای ڕاگەیاند، "تا ساڵی ڕابردوو، 45 هەزار پارچە زەوی لە سلێمانی لەلایەن کەسانی سەربازی و ئەمنییەوە فرۆشراون، ئەمساڵیش نزیکەی 20 هەزار پارچە زەویتر فرشراوە یان دەستی بەسەرداگیراوە، هەموو ئەمانە بەناوی شەهیدانی شەڕی داعشەوە کراون، لە کاتێکدا ژمارەی شەهیدانی داعش لە سنوری سلێمانی ناگاتە 700 کەس."

 

ئاماژەی بەوەشکردووە، "لەکاتێکدا کە زەوی دابەشکردن دەسەڵاتی پارێزگار نیە، کەچی هەر لەخۆیەوە نوسراوێکی کردووە بۆ فەرماندەیی و وتویەتی، زەوی دابەش بکەن بەسەر کەسوکاری شەهیدانی شەڕی داعش، ئەم نوسراوە بەکارهێنراوە و هەزاران پارچە زەوی پێ تەخشان و پەخشان کراوە." 

 

عەلی حەمەساڵئ دەڵێت، "نوسراوەکە پارێزگارم لایە، نە ناوی تێدایە، نە شوێن، نە ڕووبەری زەوی، بۆیە بەم نوسراوە هەزاران پارچە زەوی تەخشان و پەخشان کرا."

 

باسی لەوەشکردووە، "بەدواداچوونمان کردووە، پارێزگاری سلێمانی وتویەتی، ئەوە بۆ شەهیدانی شەڕی داعش بووە، نوسراوەکەم دایە داواکاری گشتی، بەڵام ئەمە لە لوتکەی دەسەڵات و هێزی ئەمنی و سەربازییەوە کراوە."