گه‌ڕان

Shadow Shadow
سیاسه‌تی

ڕاگەیەنراوێک لەبارەى کۆبوونەوەی ئەنجومەنی وەزیرانی هەرێمەوە

2022.08.17 - 18:10
App store icon Play store icon Play store icon
ڕاگەیەنراوێک لەبارەى کۆبوونەوەی ئەنجومەنی وەزیرانی هەرێمەوە

ناس کورد-

کۆبوونەوەی ئەمڕۆی ئەنجومەنی وەزیرانی هەرێم بە سەرۆکایەتی مەسرور بارزانی کۆتایی هات و تاوتوێ چەند پرسێک کرا.

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی کۆبوونەوەکە، لە بڕگەی یەکەمی کۆبوونەوەکەدا، ئەنجامی سەردانی شاندی حکومەتی هەرێمی کوردستانمان بۆ بەغدا و کۆبوونەوە لە گەڵ سەرۆک وەزیرانی فیدرال و سەرۆکی ئەنجومەنی نوێنەران و سەرۆکی ئەنجومەنی باڵای دادوەری خستەڕوو.


دەشڵێت، "هەڵوێستی هەرێمی کوردستانمان دووپات کردەوە بۆ چارەسەکردنی کێشەکان و گەیشتن بە ڕێککەوتنێکی دادپەروەرانە لە سەر بنەمای دەستوور. لەم ڕووەوە، هەردوولا ڕێککەوتن لە سەر درێژەدان بە گفتوگۆ لە نێوان وەزارەتی نەوتی فیدرال و وەزارەتی سامانە سروشتییەکانی هەرێمی کوردستان لە پێناو گەیشتن بە چارەسەرێکی هاوبەش کە لە بەرژەوەندی هەموو هاووڵاتییانی عێراقدا بێت."


جەختیکردەوە کە "حەمەی حەمەسەعید، وەزیری ڕۆشنبیریی و لاوان، پوختەیەکی دەربارەی سەردانەکەی بۆ وڵاتی ئەرمەنستان و دیدار و کۆبوونەوە و چالاکییەکانیان لەو وڵاتە خستەڕوو."

 

پاشان "شۆڕش ئیسماعیل، وەزیری پێشمەرگە باسی لە سەردانی شاندی سەربازی هەرێم بۆ هەریەک لە شانشینی یەکگرتوو و ویلایەتە یەکگرتووەکانی ئەمەریکا كرد. ئاماژەی بەوە دا کە لە دیدار و کۆبوونەوەکاندا، بەرپرسانی هەردوو وڵات، جەختیان لە گرنگیی بەردەوامبوونی پشتیوانیی هاوپەیمانان بۆ هێزی پێشمەرگەی کوردستان کردەوە. سەرۆکی ئەنجومەنی وەزیران، وێڕای دەستخۆشی، لە هەمانکاتدا جەختی لە گرنگیی بەردەوامیدان بە پرۆسەی چاکسازیی وڕێکخستنەوەی هێزی پێشمەرگەی کوردستان کردەوە کە دەستی پێکردووە و لە هەنگاوە لەپێشینەکانی کابینەی نۆیەمە."


باسی لەوەشکرد کە "بڕگەی دووەمی کۆبوونەوەکە، تایبەت بوو بە خستنەڕووی پوختەیەک سەبارەت بە داوا ناڕەواکانی وەزارەتی نەوتی فیدرال، لە دژی وەزارەتی سامانە سروشتییەکان و کۆمپانیا نێودەوڵەتییەکانی نەوت و گاز لە هەرێمی کوردستان و ڕێکارەکانی حکومەتی هەرێم لە ڕێگەی ئەو لیژنە یاساییەی بۆ ئەم بابەتە ڕاسپێردراوە. ئەم بڕگەیە لەلایەن بەڕێزان ئومێد سەباح سەرۆکی دیوان و ئامانج ڕەحیم سکرتێری ئەنجومەنی وەزیران خرایەڕوو، تێیدا ئاماژە درا بەو بنەما دەستووریانەی هەرێمی کوردستان پشتی پێ بەستوون لە داکۆکیکردن لە دەسەڵات ومافە دەستووریەکانی هەرێم ، هەروەها ئەو هەوڵانەش خرانەڕوو کە لەمبارەیەوە ئەنجامدراون."