گه‌ڕان

Shadow Shadow
سیاسه‌تی

زانیاریی زیاتر

وەزارەتێکی هەرێم ڕێنماییەک لە بەرژەوەندی هەزاران کەس دەردەکات

2022.08.15 - 13:40
App store icon Play store icon Play store icon
وەزارەتێکی هەرێم ڕێنماییەک لە بەرژەوەندی هەزاران کەس دەردەکات

ناس کورد- 

وەزارەتی پەروەردە ڕێنماییەک بۆ وانەبێژان دەردەكات و نوێنەری گشتیی مامۆستایانی وانەبێژیش دەڵێت، سەرەڕای دانانەوەی وانەبێژانی پێشوو، ئەمساڵ دەرفەتی كار بۆ 25 هەزار مامۆستای دیكەی وانەبێژ هەیە.

کەناڵی ناس کورد لە تێلیگرام جۆین بکە   

 

بەگوێرەی نووسراوێكی وەزارەتی پەروەردەی هەرێمی كوردستان، میكانیزمی دانانەوەی وانەبێژان و دانانی وانەبێژی تازە دەبێت لەسەر بنەمای رەچاوكردنی چەند خاڵ و رێكارێك بێت.

 

ئاماژە بەوەش كراوە، ئەو وانەبێژانەی هەڵگری بڕوانامەی بەكالۆریۆس یان دبلۆمن، لە كۆلیژ و بەشە جیاوازەكان، وەكو خۆیان دادەندرێنەوە.

 

وەزارەتی پەروەردە دەڵێت، دوای دانانەوەی ئەو وانەبێژانە، ئەوكات ئەگەر بۆشایی هەبوو و پێویستی بە وانەبێژی زیاتر هەبوو، ئەوكاتە دەبێت پەروەردەكان فۆڕمی وانەبێژی دابەش بكەن.

 

هاوکات کارۆخ عەبدوڵا، نوێنەری گشتیی مامۆستایانی وانەبێژ (دووشەممە 15-8-2022) بە میدیای پارتیی ڕاگەیاندووە، " ئەو ڕێنماییەی وەزیری پەروەردە بووەتە جێگای ڕەزامەندیی زۆرینەی وانەبێژان، بەتایبەت ئەوانەی لادرابوون." 

 

ئاماژەی بەوەشکردووە، ""بەهۆی ئەو بڕیار و ڕێنماییانەی وەزارەتی پەروەردە دەری كردوون، نزیكەی 25 هەزار وانەبێژی دیكە لە ناوەندەكانی خوێندن وەردەگیرێن، ئەو پەروەردانەی پێوستیان بە وانەبێژە، دوای دابەشكردنی فۆڕم، وانەبێژی تازە دادەنێن"