گه‌ڕان

Shadow Shadow
سیاسه‌تی

’’هێڵى سور’’

نزیكەكانی وادەی هاتنەسەر خەتی سیستانی ئاشكرا دەكەن

2022.08.14 - 19:18
App store icon Play store icon Play store icon
نزیكەكانی وادەی هاتنەسەر خەتی سیستانی ئاشكرا دەكەن

ناس كورد-

سێ بەرپرسی نزیک لە سیستانی لە شاری نەجەف دووپاتیان کردەوە کە مەرجەعیەتى باڵا لە عێراق تا ئێستا هەژمونى خۆى بەکارنەهێناوە؛ چونکە نایەوێت لایەنگری بۆ هیچ لایەنێک دەربکەوێت، لە گەورەترین قەیرانی ناوخۆیی شیعەدا لە ساڵی ٢٠٠٣ەوە.

کەناڵی ناس کورد لە تێلیگرام جۆین بکە   

 

ئاژانسی "ئەسۆشێتد پرێس" لەزارى سێ پیاوی قوتابخانەی سیستانی کە بە مەرجی ئەوەی ناویان ئاشکرا نەکرێت قسەیان کردووە گوساتییەوە "مەرجەعییەت بە نیگەرانییەوە چاودێری دۆخەکە دەکات".

 

یەکێک لە بەرپرسەکان دەڵێت، "سیستانی لە ئێستادا دەستوەردان ناکات، چونکە ڕەنگە دەستێوەردانەکەی وەک مەیلکردنی لایەک بەسەر لایەکی دیکەدا سەیر بکرێت".

 

ئاژانسەكە ئەوەشی خستووەتەڕوو كە "سیستانی بە دەگمەن دەستوەردان لە كاروباری سیاسی دەكات، بەڵام كاتێك دەستوەردان دەكات، رەنگە رێڕەوی سیاسەتی عێراق بگۆڕێت".

 

بەرپرسەکە ئاماژەی بە دەستێوەردانەکانی لە ساڵی ٢٠١٩ کرد، چونکە وتاری ئەو بووە هۆی دەستلەکارکێشانەوەی عادل عەبدولمەهدی، سەرۆکوەزیرانی ئەوکات.

 

ئاژانسەکە لە زاری بەرپرسێکی ترى نەجەفەوە گوستییەوە کە "مەرجەعیەتى باڵا بێزارە لە داینامیکی سیاسی ئێستای عێراق، دەستی بە وتارە ئاساییەکانی هەینی نەکردووەتەوە کە لەدواى سەرهەڵدانی پەتاى کۆرۆناوە هەڵپەسێردران".

 

وتیشى "تا ئێستاش سیستانى دەرگاکانی بەڕووی نوخبە سیاسییەکانی عێراقدا داخراون، ئەمەش ئاماژەیە بۆ ئەوەی ڵیلن رازى نییە".

 

بەرپرسانی قوتابخانەکەی سیستانی بە ئاژانسەکەیان وتووە "سیستانی هێڵی سووری هەیە کە ئەگەر ببڕدرێت، ناچاری دەکات دەستوەردان بکات، لەوانە خوێنڕشتن و هەوڵدان بۆ تێکدانی ئەوەی کە وەک بناغەکانی دیموکراسی لە عێراقدا سەیر دەکرێت".