گه‌ڕان

Shadow Shadow
سیاسه‌تی

زانیاریی زیاتر

بەوێنە؛ خانەنشینێکی دیکە پێش وەرگرتنی مووچەکەی لەبەردەم بانکێک گیانی لەدەستدا

2022.08.14 - 13:44
App store icon Play store icon Play store icon
بەوێنە؛ خانەنشینێکی دیکە پێش وەرگرتنی مووچەکەی لەبەردەم بانکێک گیانی لەدەستدا

 

ناس کورد- 

 

بەیانیی ئەمڕۆ یەکشەممە خانەنشینێک دوای ئەوەی چووەتە بانکی قەڵا بۆ وەرگرتنی مووچەی خانەنشینی، بەڵام لەگەڵ گەیشتنی بۆ بەردەم بانکەکە گیانی لەدەستداوە، بەڕێوەبەری بانکەکەش دەڵێت، "ئەو خانەنشینە نەخۆشیی دڵی هەبووە و پێشتر قەستەرە و باڵۆنی بۆ کراوە."

 

کەناڵی ناس کورد لە تێلیگرام جۆین بکە   

 

شیرین ئەحمەد رۆژبەیانی، بەڕێوەبەری بانکی قەڵا لە لێدوانێکی تەلەفزیۆنیدا کە "ناس کورد" بینیویەتی (یەکشەممە 14-8-2022) ڕایگەیاند، "ئەو کەسە پێش دەستپێکردنی دەوام گیانی لەدەستداوە، دەوامی بانک هەشتی بەیانییە، بەڵام ئەو رۆژانەی مووچەی خانەنشینی دابەش دەکەین کاتژمێر 07:00 دەواممان دەستپێدەکات."

 

بەوتەی پاسەوانانی بانەکەک، ئەو خانەنشینە کە ناوی مەسعود مەلا شاکرە، کاتژمێر 05:15 خولەکی بەیانی لەبەردەم بانکەکە بەربووەتەوە و دوای ئەوەی گەیاندوویانەتە بنکەی تەندروستی گیانی لەدەستداوە. 

 

بەڕێوەبەری بانکەکە دەڵێت، ئەوە یەکەم رووداوی گیان لەدەستدانە لەبەردەم بانکەکەیان روودەدات، بەڵام لەکاتی دەوامدا نەبووە. 

 

ئاماژەی بەوەشکردووە، "ئێمە هەموو پێداویستییەکمان بۆ خانەنشینان دابینکردووە و کەپرمان بۆ دروستکردوون و کورسییان بۆ دادەنێین و ئاویان بۆ دابین دەکەین، بۆئەوەی لە ماوەی نۆرەکەیان ماندوو نەبن."