گه‌ڕان

Shadow Shadow
سیاسه‌تی

زانیاریی زیاتر

بكوژی فاروق میرزا دۆزرایەوە..دەركەوت كچە شەش ساڵانەكەشی كوشتووە

2022.08.12 - 10:07
App store icon Play store icon Play store icon
بكوژی فاروق میرزا دۆزرایەوە..دەركەوت كچە شەش ساڵانەكەشی كوشتووە

ناس كورد-

پۆلیسی دھۆک ئاشكرایكرد، لە زاخۆ کەسێکیان بە تۆمەتی کوشتنی باوکێک و بێسەروشوێنبوونی کچەکەی دەستگیر کردووە، دوای لێکۆڵینەوەی سەرەتایی لەگەڵیدا، دەرکەوتووە کچەکەشی کوشتووە.

کەناڵی ناس کورد لە تێلیگرام جۆین بکە   

 

رۆژی 4ی ئابی 2022 ئاوارەیەکی کوردی ئێزدی بەناوی فارووق میرزا خەلەف، تەمەن 42 ساڵ لەگەڵ کچە بچووکەکەی بەناوی ئاخین لە گوندی حەسەن رەشۆی سەر بە قەزای زاخۆ بێسەروشوێن بوون، دوای چوار رۆژ پۆلیس تەرمی فارووقی دۆزییەوە و شەوی رابردووش تەرمی ئاخین فارووق دۆزرایەوە.
 
 
شەوی رابردوو 11ی ئابی 2022 پۆلیسی دهۆک لە روونکردنەوەیەکدا رایگەیاند، پۆلیسی نەھێشتنی تاوان لە دھۆک دوای کۆکردنەوەی زانیاری، توانی بکوژی (فارووق میرزا خەلەف) لە گەڕەکی سەرھلدان دەستگیر بکات. 
 
فارووق میرزا، ئاوارەیەکی كوردی ئێزدی بوو، له ‌ساڵی 2014وە له ‌که‌مپی چه‌مشکۆ له ‌زاخۆ ده‌ژیا. رۆژی 8ی ئەم مانگە، بەڕێوەبەری پۆلیسی زاخۆ بە رووداوی گوتبوو، لەسەر رووداوی کوشتنی فارووق فەرمانی دەستگیرکردن بۆ سێ کەس دەرچووە. 
 
بەپێی لێکۆڵینەوە سەرەتاییەکان، وەک لە روونکردنەوەکەی پۆلیسی دھۆکدا ھاتووە بکوژەکە دانی بە تاوانێکی دیکەش ناوە، ئەویش کوشتنی کچەکەی فارووقە، کە تاوەکو دەستگیرکردنی تۆمەتبارەکە تەرمەکەی نەدۆزرابووەوە.
 
پۆلیسی دهۆک دەڵێت، دوای تەواوکردنی رێکارە یاساییەکان دۆسیەی بکوژەکە رەوانەی بەڕێوەبەرایەتیی پۆلیسی زاخۆ دەکرێت.