گه‌ڕان

Shadow Shadow
سیاسه‌تی

زانیارى زیاتر

ئاسایش ئازادکردنى سەرجەم دەستگیرکراوانی خۆپیشاندانەکانى راگەیاند

2022.08.09 - 23:21
App store icon Play store icon Play store icon
ئاسایش ئازادکردنى سەرجەم دەستگیرکراوانی خۆپیشاندانەکانى راگەیاند

ناس کورد-

 

ئاسایشى سلێمانى دەستەى سەربەخۆى مافى مرۆڤى ئاگادارکردەوە کە سەرجەم دەستگیرکراوانی خۆپیشاندانەکان ئازادکراون.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى نوسینگەى سلێمانى دەستەى سەربەخۆى مافى مرۆڤ کە دەست "ناس کورد" کەوتووە، دەستەکە سەردانی بەشی لێکۆڵینەوەی بەڕێوەبەرایەتی ئاسایشی سلێمانی کردووە بە مەبەستی بەدواداچوون بۆ ڕەوشی ڕاگیراوان و بەندکراوان، بە تایبەتی ڕاگیراوانی خۆپیشاندانی سلێمانی و دەوروبەری لە 2022/8/6.

 

ئاماژە بەوەشکراوە، ئاسایش  بە تیمی نووسینگەی سلێمانی ڕاگەیاند کە دوێنێ و ئەمڕۆ سەرجەم دەستگیرکراوانی خۆپیشاندانەکان ئازاد کراون.

 

دەقى راگەیەنراوەکە:

 

دەستەی سەربەخۆی مافی مرۆڤ/ نووسینگەی سلێمانی

 

ئەمڕۆ 2022/8/9 تیمی بەدواداچوون و چاودێری لە نووسینگەی سلێمانی کە پێکهات لە بەڕێوەبەری نووسینگە و لێپرسراوی هۆبەی چاودێری گرتووخانەکان و لێپرسراوی هۆبەی چاودێری و دۆکیۆمینت کردن سەردانی بەشی لێکۆڵینەوەی بەڕێوەبەرایەتی ئاسایشی سلێمانیان کرد بە مبەستی بەدواداچوون بۆ ڕەوشی ڕاگیراوان و بەندکراوان، بە تایبەتی ڕاگیراوانی خۆپیشاندانی سلێمانی و دەوروبەری لە 2022/8/6. لە دیدارێکدا باسی باشتر کردنی پەیوەندیەکانی نێوان هەردوولا و ئاستی جێبەجێکردنی پرەنسیپەکانی مافی مرۆڤ و ڕەوشی ڕاگیراوان و بەندکراوان لە ڕووی مرۆییەوە کرا. هەروەها بە تیمی نووسینگەی سلێمانی ڕاگەیەنرا کە دوێنێ و ئەمڕۆ سەرجەم دەستگیرکراوانی خۆپیشاندانەکان ئازاد کراون.