گه‌ڕان

Shadow Shadow
سیاسه‌تی

پێشبینى: شەپۆلێکى بەتینى گەرما بەڕێوەیە

2022.08.08 - 11:33
App store icon Play store icon Play store icon
پێشبینى: شەپۆلێکى بەتینى گەرما بەڕێوەیە

ناس کورد-

 

شارەزایەکى کەشناسی پێشبیندەکات لە رۆژی ھەینیەوە ١٢بەدواوە جارێکی دیکە شەپۆلێکی بەتینی گەرما هەرێم بگرێتەوە.

کەناڵی ناس کورد لە تێلیگرام جۆین بکە   

 

ئاراس جەبار (8-8-2022) لە بڵاوکراوەیەکدا ئاماژەى بەوەکردووە، سبەی سێشەمە 9-8-2022 ئاسمانی ھەرێم ساماڵ ئەبێت لەگەڵ بوونی تۆز و خۆڵێکی کەم لە ئاسمانی ناوچەکانی سنوری پارێزگای کەرکوک و گەرمیان.

 

رونیشیکردووەتەوە، پلەکانی گەرما زیاتر ھاوشێوەی ئەمڕۆ بە جێگیری دەمێنێتەوە و لەشەودا نزمتر دەبێتەوە و بەم شێوەیە دەبێت لەسەنتەری پارێزگاکانی ھەرێم:

 

(سلێمانی ٤١ بە ٢٦ ، ھەولێر ٤٢ بە ٢٨ پلە ، دھۆک ٤١ بە ٢٦ پلە ، ھەڵەبجە ٤٣ بە ٢٧ پلە ، کەرکوک ٤٣ بە ٣٠ پلە) لەناوچەکانی گەرمیان ٤٧ پلە بە ٣١ پلە ئەبێت ، لە سنوری ئیدارەی راپەرین ٤٢ بە ٢٦ پلە، لە سنوری ئیدارەی سۆران ٤١ بە ٢٥ پلە، خێرای با کاتەکانی دوای نیوەرۆ بۆ ئێوارە مامناوەند چالاک دەبێت بەخێرای ١٠ تا ٢٥ کیلۆمەتر لە کاتژمێرێکدا  لە ئاراستەی باکوری رۆژئاواوە.

 

بەوتەى ئەو شارەزایە، شەپۆلەکانی گەرما بەردەوامی دەبێت و لە رۆژی ھەینیەوە ١٢-٨-٢٠٢٢ بەدواوە جارێکی دیکە شەپۆلێکی بەتینی گەرما ناوچەکە دەگرێتەوە.