گه‌ڕان

Shadow Shadow
سیاسه‌تی

زانیاریی زیاتر

ڕوونکردنەوەیەک لە بنامەڵەی برادۆستەکان سەبارەت بە نیگەرانییان لە بافڵ تاڵەبانی

2022.08.07 - 17:57
App store icon Play store icon Play store icon
ڕوونکردنەوەیەک لە بنامەڵەی برادۆستەکان سەبارەت بە نیگەرانییان لە بافڵ تاڵەبانی

 

ناس کورد- 

بنەماڵەی کەریم خانی برادۆست ڕوونکردنەوەیەکیان لەبارەی پەیوەندییەکانیان لەگەڵ بنەماڵەی مام جەلال بڵاوکردەوە و ڕەتیدەکەوە نیگەران بن لە بافڵ تاڵەبانی و قوباد تاڵەبانی و دەڵێن، "پەیوەندییەکانی برادۆستەکان و بنەماڵەی تاڵەبانی پەیوەندییەکی مێژووییەو درێژکراوەی ئەو پەیوەندییە توندو تۆڵەیە کە لەنێوان جەنابی مام جەلال و میری گەورەی برادۆستەکان هەبووە."

 

کەناڵی ناس کورد لە تێلیگرام جۆین بکە   

 

دەقی ڕوونکردنەوەکە:

 

ڕونکردنەوەیەک لەبنەماڵەی کەریم خانی برادۆست

 

هەواڵێکی چەواشەکاری لەسەر پەیوەندییەکانی بنەماڵەی برادۆستەکان و بنەماڵەی مام جەلال بڵاوکراوەتەوە. 

 

گوایە برادۆستەکان نیگەرانین لەبەڕێزان بافڵ تاڵەبانی و قوباد تاڵەبانی، لێرەوە بەهەموو لایەکی ڕادەگەیەنین، پەیوەندییەکانی برادۆستەکان و بنەماڵەی تاڵەبانی پەیوەندییەکی مێژووییەو درێژکراوەی ئەو پەیوەندییە توندو تۆڵەیە کە لەنێوان جەنابی مام جەلال و میری گەورەی برادۆستەکان هەبووە.

 

ئەو پەیوەندییە توند و تۆڵەی لەنێوان برادۆستەکان و بنەماڵەی مام جەلال هەیە، پەیوەندی بە تێگەیشتنی خودی جەنابی مام جەلالەوە هەبووە بۆ پێگەی برادۆستەکان کە لە دەیان وێستگەی مێژووییدا ڕۆڵی کاریگەریان هەبووە... 

 

لەدوای وەفاتی جەنابی مام جەلالیش تا ئەمڕۆ ئەو پەیوەندییە بەردەوامی هەبووەو هەموو کات و ساتێک دیوەخانی برادۆستەکان بۆ بەڕێزان بافڵ تاڵەبانی و قوباد تاڵەبانی لەسەر پشت بووە...

 

دەرکەوتنی پێگەی بەهێزی برادۆستەکان لە دواین هەڵبژاردندا، ئەوانەی تەواو نیگەرانکردووە کە چاوەڕێ بوون فەیسەڵ کەریم خان چەند دەنگێکی کەم بهێنێت، بەڵام هەمووان لەقورسایی و بەهێزی پێگەی برادۆستەکان تێگەیشتن و بڵاوکردنەوەی هەواڵی درۆو دوور لەڕاستی نیشانەی تەسلیم بوونی ئەوانەیە کە ترسیان لە بەهێزی پێگەی برادۆستەکان هەیە...

 

پەیوەندی برایانەی نێوان کوڕانی کەریم خان و بەڕێزان بافڵ تاڵەبانی و قوباد تاڵەبانی، درێژکراوەی پەیوەندییەکی بەهێزو توندو تۆڵی مێژووییەو بەبڵاوکردنەوەی زانیاری و هەواڵی ناڕاست و چەواشەکارانە ناتوانێت بچوکترین درز بخاتە ئەو پەیوەندییە مێژووییە...

 

لێرەوە ڕایدەگەیەنین بەهێزی پەیوەندی بنەماڵەی میرانی برادۆست لەگەڵ هەر یەک لە بافڵ تاڵەبانی و قوباد تاڵەبانی لەسەر حیسابی هیچ لایەنێکی سیاسی نییە، چونکە بنەماڵەی برادۆست پەیوەندی بەهێزو توندو تۆڵیان لەگەڵ تەواوی هێزە سیاسییەکان و کەسایەتییە سیاسییەکانی هەرێمی کوردستان هەیە بەبێ جیاوازی...