گه‌ڕان

Shadow Shadow
سیاسه‌تی

نوێ

کچ و کوڕێکی کورد کە خۆشەویستی یەکتر بوون کۆتاییان بە ژیانی خۆیان هێنا

2022.08.07 - 15:22
App store icon Play store icon Play store icon
کچ و کوڕێکی کورد کە خۆشەویستی یەکتر بوون کۆتاییان بە ژیانی خۆیان هێنا

ناس کورد- 

لە گوندێکی سەربە شاری دیواندەرەی ڕۆژهەڵاتی کوردستان، کچ و کوڕێکی لاو بەهۆی ئەوەی کەسوکاریان ڕازی نەبوون هاوسەرگیری بکەن، هەردووکیان کۆتاییان بە ژیانی خۆیان هێنا.

کەناڵی ناس کورد لە تێلیگرام جۆین بکە   

 

خەڵکی گوندی شاقەڵا سەر بە شاری دیواندەرە بە ناوەکانی میترا گۆران و فەرهاد سادقی دوای ئەوەی بنەماڵەکانیان دژایەتی هاوسەرگیریی ئەوانیان کردووە کۆتایی بە ژیانی خۆیان هێناوە.

 

لە ڕاگەیەنراوێکدا ڕێکخراوی مافی مرۆڤی هەنگاو (یەکشەممە 7-8-2022) ڕایگەیاند، "دوێنێ شەممە کچێکی تەمەن ١٨ ساڵ بەناوی (میترا گۆران) لە گوندی شاقەلای سەربە شاری دیواندەرە خۆی هەڵواسیوە و کۆتایی بە ژیانی خۆی هێناوە." 

 

ئاماژەی بەوەشکردووە، "لەدوای ئەو ڕووداوە، ئەمرۆ یەکشەممەش لە هەمان گوند، کوڕێکی تەمەن ٢٦ ساڵ بەناوی (فەرهاد سادقی) بەهەمان شێوە خۆی هەڵواسیوە و کۆتایی بە ژیانی خۆی هێناوە." 

 

بەگوێرەی ڕاپۆرتی ئەو ڕێکخراوە مرۆییە، ئەو کچ و کوڕە ویستوویانە پێکەوە هاوسەرگیری بکەن، بەڵام کەسوکاریان ڕەزامەند نەبوون، هەربۆیە هەردووکیان کۆتاییان بە ژیانی خۆیان هێناوە.