گه‌ڕان

Shadow Shadow
سیاسه‌تی

زانیاریی زیاتر

لەبارەی بڵاوەپیکردنی هێزی ئەمنی لە هەولێر ڕوونکردنەوە دەدرێت

2022.08.06 - 20:05
App store icon Play store icon Play store icon
لەبارەی بڵاوەپیکردنی هێزی ئەمنی لە هەولێر ڕوونکردنەوە دەدرێت

ناس کورد- 

پارێزگاری هەولێر ڕەتیدەکاتەوە مۆڵەتیان بۆ ئەنجامدانی خۆپیشاندان دابێت و دەشڵێت، زیادکردنی هێزە ئەمنییەکان بۆ پاراستنی هاووڵاتیان و ئەو کەسانەشە کە ویستیان خۆپیشاندان ئەنجام بدەن.

کەناڵی ناس کورد لە تێلیگرام جۆین بکە   

 

ئومێد خۆشناو، پارێزگاری هەولێر لە لێدوانێکی ڕۆژنامەوانیدا کە "ناس کورد" بینیویەتی (شەممە 6-8-2022) ڕایگەیاند، "لەلایەن چەند کەسێکەوە داوای مۆڵەتی خۆپیشاندان کرابوو، بەڵام ئێمە لە لیژنەی ئەمنیی هەولێر داواکەمان ڕەتکردەوە، چونکە داواکارییەکان هی ئەوە نەبوون کە خۆپیشاندانی بۆ ڕێکبخرێت." 

 

وتیشی، "زیادکردنی ژمارەی هێزە ئەمنییەکانیش بۆ پاراستنی هاووڵاتیان و ئەو کەسانەشە کە دەیانویست خۆپیشاندان بکەن، چونکە ژمارەیەکی زۆر کاسبکار لە بازاڕدا هەن و زیان بە کارەکەیان دەگات و مەترسی دروستبوونی گرژی هەبوو، بۆیە هێزی ئەمنیمان زیاد کرد تەنانەت بۆ پاراستنی ئەو کەسانەی بەنیازی خۆپیشاندان بوون." 

 

ئومێد خۆشناو باسی لەوەشکرد، " ئەرکی ئێمەیە ئەمنییەتی شارەکە بپارێزین و ڕێگە نادەین بە چوواندنی ئێرە بە بەغدا ئەمنییەتی شارەکە تێکبدرێت، سوپاسی هاووڵاتیانی هەولێریش دەکەین کە لە ئێمە زیاتر خەمی ئاسایشی شارەکەیانە." 

 

پارێزگاری هەولێر ئاماژەی بەوەشکرد، "دەزانین کە کێشە و کەموکوڕی هەیە، ئێمە لە ئۆپۆزسیۆن زیاتر لە خەمی کێشەکانی خەڵک داین."