بڕیارێک لە بەرژەوەندیی جوتیاران دەرکرا

ناس کورد-

 

بڕیارە ڕۆژی یەکشەممە پرۆسەی وەرگرتنی گەنم لە سایلۆی سلێمانی دەستپێبکاتەوە و تاوەکو ڕۆژی پێنجشەممە بەردەوام بێت.

کەناڵی ناس کورد لە تێلیگرام جۆین بکە   

 

کامەران وریا، بەڕێوەبەری سایلۆی سلێمانی (شەممە 6-8-2022) ی ڕاگەیاند، " لەسەر داوای وەزارەتی بازرگانیی عێراق جارێکی تر پرۆسەی وەرگرتنی گەنم دەستپێدەکەنەوە بۆ ئەو جوتیارانەی کە تائێستا بڕی تەواوی گەنمەکەیان رادەستی سایلۆ نەکردووە." 

 

ئاماژەی بەوەشکرد، " لە بەرژەوەندی جوتیاران ماوەی وەرگرتنی گەنم درێژکراوەتەوە."

 

بەوتەی کامەران وریا، "سبەینێ یەکشەممە پرۆسەی وەرگرتنی گەنم لە سایلۆی سلێمانی دەستپێدەکاتەوە و تا رۆژی پێنجشەممە بەردەوام دەبێت."