گه‌ڕان

Shadow Shadow
سیاسه‌تی

زانیارى زیاتر

72 کاتژمێر..چارەنوسی ڕێککەوتنى ئەتۆمى ئێران یەکلادەکرێتەوە

2022.08.06 - 09:42
App store icon Play store icon Play store icon
72 کاتژمێر..چارەنوسی ڕێککەوتنى ئەتۆمى ئێران یەکلادەکرێتەوە

ناس کورد-

 

یەكێتی ئەوروپا داوای لە لایەنە پەیوەندیدارەكانی رێككەوتنی ئەتۆمی لەگەڵ ئێران كرد "بڕیاری سیاسی روون و چارەنووسساز" بدەن بۆ كۆتاییهێنان بەو وتووێژانەی دەستیپێكردووەتەوە بۆ لابردنى ئاستەنگەکانى بەردەم ڕێککەوتنەکە، هاوكات بەرپرسێكی ئەوروپی باسی لە "72 كاتژمێری چارەنووسساز" كرد. "

کەناڵی ناس کورد لە تێلیگرام جۆین بکە   

 

پیتەر ستانۆ، وتەبێژی کۆمسیۆنی باڵای پەنابەرانی سەر بە نەتەوە یەکگرتووەکان، لە لێدوانێکیدا بۆ ڕۆژنامەنووسان وتی "کاتی ئەوە هاتووە هەوڵى کۆتایی بدرێت لەو بارەیەوە".

 

ڕوونیشی كردەوە كە ڕەشنووسی نوێی یەكێتی ئەوروپا لەبەر ئەوەیە كە کاتى پێویست بۆ هەر قۆناغێکى نوێی گفتوگۆ تەواو بووە.

 

دیپلۆماتکارێکی باڵای ئەوروپی لە کۆتایی گفتوگۆکانی یەکەم ڕۆژ بە ڕۆژنامەنووسانی ڕاگەیاند کە ئێران پاشەکشەی کردووە لە داواکارییەکانی بۆ دوورخستنەوەی سوپای پاسداران لە لیستی سزاکان.

 

ئاماژه‌ی به‌وه‌شكردووه‌ "رێككه‌وتن کراوە كه‌ له‌ داهاتوودا هه‌ر كات ئه‌مریكا و ئێران توانیان راسته‌وخۆ كۆببنه‌وه‌، ئه‌و بابه‌ته‌ تاوتوێ بكرێت"، ئەوەش به‌ گوێره‌ی ئاژانسی "رۆیته‌رز" .

 

 تاران هەروەها داوای کرد کە ئاژانسی نێودەوڵەتی وزەی ئەتۆمی لێکۆڵینەوەکانی لە سێ شوێنی نهێنی بکشێنێتەوە.

 

لە کاتێکدا ئەوروپا دوێنێ لە بەیاننامەیەکدا داوای کرد کە تاران "داواکاری ناواقیعی نەکات" لە دانوستانەکاندا، بلومبێرگ لە زاری بەرپرسێکى باڵای ئەوروپیەوە گواستییەوە کە ئێران وازی لە داواکارییەکەی هێناوە بۆ گەرەنتی ئەوەى کە هیچ سەرۆکێکی ئەمریکا لە رێککەوتنەکە نەکشێتەوە.

 

بەوتەی ئەو بەرپرسە، ئێران لە بەرامبەردا قەرەبووی تایبەت وەردەگرێت ئەگەر هەر ئیدارەیەكی نوێی ئەمریكا یان كۆنگرێس جارێكی تر ئەو رێككەوتنەکە هەڵبوەشێنێتەوە.

 

وتیشى "ئەو ئاستەنگانەی کە ماونەتەوە لە ڕووی تەکنیکییەوە دەتوانرێت لە ماوەی ٧٢ کاتژمێردا چارەسەر بکرێن، بەڵام ئەوە پێویستی بە بڕیاری سیاسی ئاستی باڵا لە تاران و واشنتۆن دەبێت".