بەرپرسێکی نوێ لە سلێمانی دەستبەکاربوو

ناس کورد-

بە بڕیاری جێگری سەرۆکی حکومەتی هەرێم، بەڕێوەبەری گشتی نوێی فڕۆکەخانەی نێودەوڵەتی سلێمانی دەستبەکاربوو.

کەناڵی ناس کورد لە تێلیگرام جۆین بکە   

لە ڕاگەیەنراوێکدا فڕۆکەخانەی نێودەوڵەتیی سلێمانی (هەینی 5-8-2022) ڕایگەیاند، "بە بڕیاری قوباد تاڵەبانی، جێگری سەرۆکی ئەنجومەنی وەزیرانی هەرێم، (هەندرێن هیوا موفتی) لە پۆستی بەڕێوەبەری گشتی فڕۆکەخانەی نێودەوڵەتی سلێمانی بەوەکالەت دەستبەکاربوو." 

بەگوێرەی ڕاگەیەنراوەکە، ھەندرێن ھیوا موفتی، لەدایکبووی ساڵی (١٩٦٥)ـە و لە بنەماڵەی (موفتی گەورە)ی دێرین و ناوداری شاری سلێمانییە و برازای (کەمال موفتی)یە.

*ھەڵگری سێ بڕوانامەی بەکالۆریوسە بەم ناونیشانانە:

١- بەکالۆریوس لە ئادابی ترجمەی زمانی ئینگلیزی .

٢- بەکالۆریوس لە زانستی فڕۆکەوانی (فڕۆکەوان) .

٣- بەکالۆریوس لە زانستی سەربازی .

* ماوەی (٨) ساڵە پلەی وەزیفی جێگری بەڕێوەبەری گشتی فڕۆکەخانەیە و لەسەرەتایی کردنەوەی فڕۆکەخانەوە بەڕێوەبەری چالاکی زەمینی فڕۆکەخانەیە.