گه‌ڕان

Shadow Shadow
سیاسه‌تی

نوێ

ئەمەریکا دوایین پەیام دەداتە هەرێمی کوردستان

2022.08.05 - 20:43
App store icon Play store icon Play store icon
ئەمەریکا دوایین پەیام دەداتە هەرێمی کوردستان

ناس کورد- 

وه‌زیری پێشمه‌رگه‌ی هەرێمی کوردستان ڕایگه‌یاند، لە سەردانەکەیاندا بۆ ئەمەریکا، ئه‌مریكییه‌كان به‌ راشكاوانه‌ پێیانوتوون، ئه‌گه‌ر پرۆسه‌ی چاكسازی له‌ هێزی پێشمه‌رگه‌ به‌ شێوه‌یه‌كی باش نه‌چێته‌ پێشه‌وه‌، هاوكاری و پشتیوانییه‌كانیان بۆ هێزی پێشمەرگە راده‌گرن.

کەناڵی ناس کورد لە تێلیگرام جۆین بکە   

 

شۆڕش ئیسماعیل، وه‌زیری پێشمه‌رگه‌ی هەرێمی کوردستان (هەینی 5-8-2022) لە کۆنفرانسێکی ڕۆژنامەوانیدا ڕایگەیاند، "لە سەردانەکەمان بۆ ئەمەریکا كۆمه‌ڵێك چاوپێكه‌وتنی جیاوازمان كرد، پێشوازی باشمان لێكراوه‌ و توانراوه‌ په‌یامی هه‌رێمی كوردستان كه‌ خۆی له‌ پاراستنی سه‌قامگیری و ئه‌من و ئاسایش ده‌بینێته‌وه‌ بگەیەنین، له‌ هه‌موو كۆبونه‌وه‌كان به‌ گرنگی و ستایشه‌وه‌ باسی رۆڵی پێشمه‌رگه‌ كراوه‌ له‌ شه‌ڕی دژی داعشدا." 

 

ئاماژه‌ی به‌وه‌شكرد، "ئه‌مریكییه‌كان به‌ راشكاوانه‌ پێیانوتوین، ئه‌گه‌ر پڕۆسه‌ی چاكسازی له‌ هێزی پێشمه‌رگه‌ به‌ شێوه‌یه‌كی باش نه‌چێته‌ پێشه‌وه‌، هاوكاری و پشتیوانییه‌كانیان، ڕاده‌گرن".

 

وەزیری پێشمەرگە باسی لەوەشکرد، "له‌ كابینه‌ی نۆیه‌می حكومه‌تی هه‌رێمی كوردستان بۆ یه‌كخستنه‌وه‌ی هێزی پێشمه‌رگه‌ و چاكسازی هه‌نگاوی باشی ناوه‌، ئه‌مریكاییه‌كانیش له‌و هه‌نگاوه‌ خۆشحاڵیی خۆیان ده‌ربڕی، پشتگیریشیان كردین، كه‌ ئه‌و هه‌نگاوانه‌، هه‌نگاوی گه‌وره‌تر و فراوانتری به‌دوادابێت".