پیاوێک ژنەکەی کوشت و دواتر کۆتایی بە ژیانی خۆی هێنا

ناس کورد-

شەوی رابردوو لەشاری کەرکوک ژنێك لەلایەن هاوسەرەكەیەوە كوژرا، دواتر پیاوەکە برایەکی ژنەکەشی بریندارکرد و کۆتایی بە ژیانی خۆشی هێنا.

کەناڵی ناس کورد لە تێلیگرام جۆین بکە   

 

بەوتەی سەرچاوەیەکی ئەمنیی پارێزگای کەرکوک، ڕووداوەکە شەوی ڕابردوو (پێنجشەممە 4-8-2022) ڕوویداوە، ئەو ژن و مێردە كێشە لە نێوانیاندا هەبووە، بەوهۆیەوە پیاوەكە گوللـەیەکی بە هاوسەرەكەیەوە ناوە و كوشتویەتی، دواتر گوللـەیەکی بە برای هاوسەرەكەیەوە ناوە و برینداری كردووە. 

 

ئاماژەی بەوەشکردووە، "ئەو پیاوە هەر لەبەردەم ماڵی خۆیاندا گوللـەیەکی بەسەری خۆیەوە ناوە و لەكاتی گەیاندنی بە نەخۆشخانە گیانی لەدەستداوە، بارودۆخی بریندارەکەش ناجێگیرە".

 

بەوتەی شایەتحاڵێک کە قسەی بۆ "کەرکوک ناو" کردووە، "ئەو خێزانە ئاوارەی تەلەعفەرن، پیاوەكە ئەوە دووەم هاوسەرییەتی و پێكەوە پێنج منداڵیان هەیە".