ناس کورد-
وتاربێژی نوێژی یەکگرتووی هەینی لە بەغدا و نوێنەری موقتەدا سەدر جەخت لە داواکەی سەدر بۆ هەڵوەشاندنەوەی پەرلەمان دەکاتەوە و دەشڵێت، ئەوەی شکستی هێنا جارێكی دیکە نایەتەوە دەسەڵات.
کەناڵی ناس کورد لە تێلیگرام جۆین بکە
موهەنەد موسەوی، نوێنەری موقتەدا سەدر و وتاربێژی نوێژی یەگرتووی هەینیدا (هەینی 5-8-2022) ڕایگەیاند، "پرۆژەی چاکسازیی موقتەدا سەدر وەک خۆی دەمێنێتەوە، مەرجەعییەت دەرگای بەڕووی لایەنە خۆسەپێنەکاندا داخستووە، ئەوەی شکستی هێنا جارێكی دیکە نایەتەوە دەسەڵات."
ئاماژەی بەوەشکرد، "عێراق بووەتە دیلی گەندەڵی و حکومەتە تەوافوقی و دابەشکارییەکان زیانێکی زۆریان بە سامانی عێراق گەیاندووە و خزمەتگوزارییەکان زۆر کەمن."
موسەوی جەختیشی لە پەیامەکەی پێشووی سەدر کردەوە بۆ هەڵوەشاندنەوەی پەرلەمان و ئەنجامدانی هەڵبژاردنی پێشوەختە و وتیشی، "پێویستە عێراقییەکان پەلە بکەن لە گەڕان بەدوای چاکسازی و ئەم دەرفەتە لەدەست نەدەن."
