ناس کورد-
بەگوێرەی پێشبینییەکانی کەشناسیی هەرێم، ئەمڕۆ و سبەینێ بە بەردەوامی خۆڵبارینێک هەرێمی کوردستان دەگرێتەوە و لە هەندێک ناوچەش کاریگەرییەکەی زیاتر دەبێت.
کەناڵی ناس کورد لە تێلیگرام جۆین بکە
لە ڕاگەیەنراوێکدا کەشناسیی هەرێم ڕایگەیاند، ئەمڕۆ هەینی 5-8-2022، ئاسمان بە شێوەیەکى گشتى ساماڵ دەبێت لەگەڵ بوونی تۆزێکی سووک بە بەردوامى و کاریگەرییەکەى زیاد دەکات لە کاتەکانى ئێوارەدا.
ئاماژەی بەوەشکردووە، هەروەها سبەینێ ئاسمان ساماڵ دەبێت، لەگەڵ تۆزێکی سوک بە درێژایى کاتەکان، کاریگەری تۆزەکە زیاتر دەبێت لەسنوورى پارێزگاى کرکووک و بەشێک لە ناوچەکانى باشوورى هەرێم .
بەرزترین پلەکانی گەرمای سبەینێ بە پلەی سیلیزی:
هەولێر : 45
سلێمانی : 43
دهۆک : 44
کەرکوک : 46
هەڵەبجە : 45
سۆران : 44
راپەرین : 44
گەرمیان: 48
