گه‌ڕان

Shadow Shadow
سیاسه‌تی

زانیارى زیاتر

یەکگرتوو لەسەر خەڵاتکردنى ’’بکوژى د.هۆشیار’’ هاتەدەنگ

2022.08.03 - 23:28
App store icon Play store icon Play store icon
یەکگرتوو لەسەر خەڵاتکردنى ’’بکوژى د.هۆشیار’’ هاتەدەنگ

ناس کورد-

 

ئەنجومەنی جێبەجێکردنی یەکگرتوو رایگەیاند، بابەتی خەڵاتکردنی بکوژی د. هۆشیار  ئیسماعیل "پیشێلکارییەکى گەورەی هەیبەتی دادگا و سەروەری یاسا" یە.

کەناڵی ناس کورد لە تێلیگرام جۆین بکە   

 

ئەنجومەنەکە (3-8-2022) لەرونکردنەوەیەکدا داواى لە داواکاری گشتی کردووە "ئەو بێڕێزیە بە بڕیارەکانی دادگا قبوڵ نەکەن و دەسەڵاتداران چیتر سوکایەتی بە مافی ستەملێکراو و بڕیارەکانی دادگا نەکەن".

 

دەقى رونکردنەوەکە:

 

رونکردنەوەیەک لە ئەنجومەنی جێبەجێکردنی یەکگرتووی ئیسلامی کوردستانەوە

 

ئێمە لە یەکگرتەوی ئیسلامی کوردستان بابەتی خەڵاتکردنی بکوژی شەهید (دکتۆر هۆشیار  اسماعیل)بە خەرقێکی گەورەی هەیبەتی دادگا و سەروەری یاسا دەزانین ، هەروەها ئاسانکاریە بۆ تەشەنەکردنی تاوان و لە یاسا دەرچوون و ڕێگە خۆشکردنە بۆ پشێوی کۆمەڵایەتی، بەداخەوە لە جیاتی بەجێگەیاندنی سزای لە سێدارەدان بۆ بکوژان ، خەڵات دەکرێن.

 

بۆ ئێمە جێگەی نیگەرانیە، ئیدانەی ئەو کارە نایاسایی و سەرپێچیە دەکەین .

 

ئەوەی کراوە لەم کەیسەدا، لەجیاتی بکوژ  لەسێدارە بدەن ! خەڵاتی دەکەن و لە ڕاگەیاندن شانازی پێوە دەکەن، ئەوە مایەی استفزاز و سوکایەتی کردنە بە بنەماڵە و زانا و قوتابی و هاوکارانی شەهید دکتۆر هۆشیار .

 

بەداخەوە چەندان جار دەسەڵاتداران بەڵێنی جێبەجێکردنی سزای سێدارەدانیان دا بۆ بکوژانی دکتۆر هۆشیار بەڵام نەک جێبەجێیان نەکرد بەڵکو خەڵاتیان کرد .

 

بۆیە داوا دەکەین داواکاری گشتی ئەو بێڕێزیە بە بڕیارەکانی دادگا قبوڵ نەکەن و دەسەڵاتداران چیتر سوکایەتی بە مافی ستەملێکراو و بڕیارەکانی دادگا نەکەن .

 

بە توندی ئەو کارە نایاساییە ڕەتدەکەینەوە و بێڕێزیە بە مافەکانی مرۆڤ و یاسا بەرکارەکان.

 

ئەنجومەنی جێبەجێکردنی یەکگرتووی ئیسلامی کوردستان