گه‌ڕان

Shadow Shadow
سیاسه‌تی

دووەم رونکردنەوە لە وەزارەتى کارەوە لەسەر خەڵاتکردنى ’’بکوژێکى د.هۆشیار’’

2022.08.03 - 22:42
App store icon Play store icon Play store icon
دووەم رونکردنەوە لە وەزارەتى کارەوە لەسەر خەڵاتکردنى ’’بکوژێکى د.هۆشیار’’

ناس کورد-

 

وەزیری كاروكاروباری كۆمەڵایەتى رایگەیاند، لە هەرێمی کوردستان پەیڕەوی چاکسازی پیادە دەکرێت و هیچ دەقێکی تیا نیە ڕێگا لە خوێندنی هیچ سزادراوێک بگرێت، ئەوەش لە وەڵامێکدا بۆ ئەو رەخنانەى رووبەڕووى کرانەوە لەسەر پێدانى بڕوانامە بە سزادراوێک کە دەوترێت "یەکێک لە بکوژانى" د.هۆشیار ئیسماعیل مامۆستاى ئاینی.

کەناڵی ناس کورد لە تێلیگرام جۆین بکە   

 

كوێستان محەمەد لەرونکردنەوەیەکدا ئاماژەى بەوەکردووە، "ئەوە من نەمزانی ئەو سزادراوانە کێن تاوان و سزاکەیان چیە خۆ سەرپەرشتیاری ئەو سزادراوانەی ئەخوێنن کادری پێشکەوتووی خۆتانە یەکێکیش بوو لە ڕێکخەرانی مەراسیمەکە"، ئەوەش لە وەڵامێکدا بۆ ئەو رەخنانەى لەلایەن بەرپرس و پەرلەمانتارانى یەکگرتووەوە ئاڕاستەى دەکرێت.

 

دەقى رونکردنەوەکە:

هەرچەندە بۆخۆم هەرگیز وەڵامی هیچ پۆست و ڕوون کردنەوەیەک نادەمەوە ، بەڵام کاتێک بەمەبەست کەسایەتی و خۆم حیزبەکەم بکرێینە ئامانج ناچار بەوەڵام دانەوە کرام.

 

سەبارەت بە پێدانی بڕوانامە بە دوو سزادراو لە چاکسازی گەورانی هەولێر سەرەڕای ئەوەی هەر ئەمڕۆ ناسنامەی ئەو سزادراوانەم زانیوە چونکە بۆ هیچ پرسێک کە پەیوەندی بە سزادراوانەوە هەبێت لە جۆری تاوان و سزاکەیان ناپرسم چونکە بڕوای تەواوم بە یەکسانی و دادپەروەری و لێبوردەیی هەیە ، هەر بۆیە ڕێگامان داوە ژمارەیەکی بەرچاو لە سزاداراوانی ماددەی تیرۆر کە بە بیست ساڵ حوکم سزادراون و  ئەندامانی حیزبە ئیسلامیەکانیشی   تیایە بخوێنن و زۆر هاوکاریشیان بووم تەنانەت کرێی خوێندنیشیانمان بۆ پەیدا کردون ، هەر لە ڕوانگەی بڕوامان بە چاکسازی دەرگای خوێندنمان لە هیچ سزادراوێک دانەخستوە بەڵام بۆ من جێگای تێڕامان بوو کە پارلەمانتار بیت و نەزانیت یاسای چاکسازی کۆمەڵایەتی عێراق لە هەرێمی کوردستان بەرکار نیە پارلەمانتار بیت و نەزانیت کەلە یاسای سزادانی عێراقیش هیچ ڕێگریەک لە خوێندنی سزای لە سێدارە نیە ئەوەش دەقی ماددەی ۹۸ی یاسای سزادانی عێراقی کە تایبەتە بەوانەی سزای لە سێدارەدانیان هەیە

ماددەی 98 لەیاسای سزادان ئاماژەی بەوە داوە کە محکومی اعدام لەو مافانە بێ بەش دەبێ کە حصرەن دیاری کردووە لە هەردوو مادەی 96و 97  کە بریتیە لە:

 

1. ناتوانێ وەزیفە وەرگرێ

2.ناتوانێ دەنگ بدا و کاندیدبێ

3.ناتوانێ ببێتە ئەندامو بەڕێوەبەری ئەنجومەنەکانی ئیداری  و شارەوانی کۆمپانیاکان.

4.ناتوانێ ببێ بە وەصی و وەکیل و قەیم

5.ناتونێ ببێ بە خاوەن ئیمتیاز و بەڕێوەبەری نوسینی ڕۆژنامە و بڵاو کراوەکان .

ناتوانێ ئیدارەو تەصروف بە موڵک و ماڵی بکا تەنها بە ئیزنی دادگا نەبێ

تەنانەت سزادراوی سێدارە مافی هاوسەرگیریشی هەیە

 

لە هەرێمی کوردستان پەیڕەوی چاکسازی پیادە ئەکرێت کە ئەنجومەنی وەزیران پەسەندی کردوە و هیچ دەقێکی تیا نیە ڕێگا لە خوێندنی هیچ سزادراوێک بگرێت، جا بڕیاردەری فراکسێۆن بیت و باسی ئەوە بکەیت وەزیر ئەو ڕێنماییە سەقەتە بگۆڕێت و نەهێڵێت سزادراوی لە سێدارە تێکەڵی سزادراوی تر ببن، لە بێخەبەران کەشکەک سڵاوات چونکە ئێمە هیچ ڕێنماییەکی وامان نیە دادەی پارلەمانتار ئێمە چوار ڕێنماییمان هەیە بۆ چاکسازیەکان کە دڵنیام هیچیانت نەخوێندۆتەوە هیچ دەقێک لە هیچیان باسی تێکەڵ یان جیا کردنەوەی سزادراوان ناکات جا هەر بۆ زانیاریشت ڕێنمایی هەموار ئەکرێتەوە ناگۆڕدرێت ئەوە دەستەواژەیەکی یاساییە کە یاسادانەر بەکاری ئەهێنێت، ئەوە من بووم کە بومە وەزیر فەرمانم دەرکردسزادراوەکان بەپێی ماددە یاساییەکان جیا بکرێنەوە ، ئەوە من نەمزانی ئەو سزادراوانە کێن تاوان و سزاکەیان چیە خۆ سەرپەرشتیاری ئەو سزادراوانەی ئەخوێنن کادری پێشکەوتوی خۆتانە یەکێکیش بوو لە ڕێکخەرانی مەراسیمەکە یەکێکیش لە میوانە سەرەکیەکانی مەراسیمەکەش برای دکتۆر شێرزاد عەبدولوەهابی خۆتانە کە ڕێزی زۆری لام هەیە خێرە هەڵمەتەکەتان تەنیا ڕوی لەمن و حیزبەکەمە ئەی کادرەکانی خۆتان کە ئاگاداری وردەکاریەکەش بوون بەڵام خۆ ئەزانم هەڵبژاردن نزیکە و ئەمەش شێوازێکە بۆ بەدەست هێنانی دەنگ .