ناس كورد-
بەرهەم ساڵح سەرۆك كۆمار لەگەڵ مستەفا كازمی سەرۆك وەزیران کۆبووەوە و دۆخی گشتیی وڵات و پێشهاتە سیاسییەكانی ئەم دواییەیان تاوتوێ كرد.
کەناڵی ناس کورد لە تێلیگرام جۆین بکە
فەرمانگەی ڕاگەیاندنی سەرۆکایەتی کۆمار لە بەیاننامەیەکدا ڕایگەیاندووە، لە میانی کۆبوونەوەکەدا باس لە بارودۆخی گشتیی وڵات و پێشهاتە سیاسییەکانی ئەم دواییە کرا و جەختکرایەوە لەسەر گرنگیی دەستەبەرکردنی ئاسایش و سەقامگیری و پابەندبوون بە هێوربوونەوە، پشت بەستن بە دیالۆگێکی ورد و بەرپرسیارانە.
هەر لەکۆبوونەوەکەدا باس لە پێویستى دانانى نەخشەڕێگایەکی ڕوون کرا بۆ چارەسەر کە بەرژەوەندی باڵای نیشتمانی بپارێزێت.
هەروەها جەخت لە گرنگیی هاودەنگیی هەمووان، یەكڕیزی نەتەوەیی، بەهێزكردنی بەرەی ناوخۆیی کرایەوە.
