گه‌ڕان

Shadow Shadow
سیاسه‌تی

وردەکاریی

لەسلێمانى کچێک لە کوشتن رزگارکرا و براکەى دەستگیرکرا

2022.08.03 - 13:42
App store icon Play store icon Play store icon
لەسلێمانى کچێک لە کوشتن رزگارکرا و براکەى دەستگیرکرا

ناس کورد-

 

لە سلێمانى کچێکى 17 ساڵان لەکوشتن رزگارکرا و براکەى بەتۆمەتى هەڕەشەکردن لێی و ئەشکەنجەدانى دەستگیرکرا.

کەناڵی ناس کورد لە تێلیگرام جۆین بکە   

 

بەڕێوەبەرایەتی بەرەنگاربوونەوەی توندوتیژی دژى ئافرەتان و خێزان - سلێمانى لە راگەیەنراوێکدا کە دەست "ناس کورد" کەوتووە ئاماژەى بەوەکردووە، كاتژمێر 12:00ی نیوەڕۆى ڕۆژی هەینی لەلایەن (jcc) پەیوەندی كرا بە نوسینگەی ڕۆژهەڵاتی سەر بەبەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان كە ئافرەتێك لە گەڕەكێكی شاری سلێمانی ژیانی لەمەترسیدایە.

 

باس لەوەشکراوە، توانرا لەكەمترین كاتدا كچێكی تەمەن (17) ساڵ لەدەست برا تەمەن (21) ساڵەكەی ڕزگار بكرێت، كە ئاسەواری ئەشكەنجەو لێدان لەسەر جەستەی دیار بوو بەپێی ڕاپۆرتی پزیشكی، هەروەها هەڕەشەی كوشتنی لێكردبوو.

 

بەپێی راگەیەنراوەکە، دواتر بەفەرمانی (دادوەری لێكۆڵینەوەی توندوتیژی خێزانی) براكەی دەستگیر كراو ڕاگیرا بەپێی ماددەی (7)ی خێزانی ..كچەكە پاش تۆماركردن سكاڵا لەدژی براكەی ڕەوانەی (خانەی كچان) كرا.

 

دەقى راگەیەنراوەکە:

 

كچیك لەكوشتن ڕزگار دەكرێت

 

كات 12:00ی نیوەڕۆیە‌و ڕۆژی هەینی یە لەلایەن (jcc) پەیوەندی كرا بە نوسینگەی ڕۆژهەڵاتی سەر بەبەڕێوەبەرایەتی بەرەنگاربوونەوەی توندوتیژی دژی ئافرەتان‌و خێزان كە ئافرەتێك لە گەڕەكێكی شاری سلێمانی ژیانی لەمەترسیدایە، بۆ ئەو مەبەستە بەهەماهەنگی لەگەڵ پۆلیسی فریاكەوتن مەفرەزەیەك لەئەفسەرو كارمەندانی نوسینگەی ڕۆژهەڵات پاش وەرگرتنی فەرمانی (دادوەری لێكۆڵینەوەی توندوتیژی خێزانی) توانرا لەكەمترین كاتدا كچێكی تەمەن (17) ساڵ لەدەست برا تەمەن (21) ساڵەكەی ڕزگار بكەن، كە ئاسەواری ئەشكەنجەو لێدان لەسەر جەستەی دیار بوو بەپێی ڕاپۆرتی پزیشكی، هەروەها هەڕەشەی كوشتنی لێكردبوو، دواتر بەفەرمانی (دادوەری لێكۆڵینەوەی توندوتیژی خێزانی) براكەی دەستگیر كراو ڕاگیرا بەپێی ماددەی (7)ی خێزانی ..كچەكە پاش تۆماركردن سكاڵا لەدژی براكەی ڕەوانەی (خانەی كچان) كرا.

 

بەرێوەبەرایەتی بەرەنگاربونەوەی توندوتیژی دژی ئافرەتان‌و خێزان‌و سەرجەم نوسینگەكانی سەر بەبەڕێوەبەرایەتی كار دەكەن لەپێناوی كەمكردنەوەی توندوتیژییەخێزانییەكان‌ و دروستكردنی خێزانێكی تەباو پڕ لەئاشتی.

 

ڕاگەیاندن‌ و پەیوەندییەكان.