دۆخی سزادراوانی بادینان ’’نزیکە لە مەرگ’’

ناس کورد-

تیمی پارێزەرانی خۆبەخشی سزادراوانی بادینان رایگەیاند، باری تەندروستی سزادراوانی مانگرتوی چاکسازی هەولێر بە گشتی و شیلادزێ بەتایبەت بەرەو خراپی و ترسناکی دەچێت و نزیکی مەرگ دەبنەوە.

کەناڵی ناس کورد لە تێلیگرام جۆین بکە   

بەپێی راگەیەنراوێکى تیمەکە کە دەست "ناس کورد" کەوتووە، نێچیرڤان بدیع جگە لە خوێن بەربوون هەردوو چاوەکانی کەم بینا بوە و ژانێکی زۆریشی لە هەردو گورچیلەکانیشی هەیە و هەروەها کۆڤان تاريق ئەمڕۆ توشی نەخۆشی پێست بوە باری تەندروستی تێکچووە.

دەقى راگەیەنراوەکە:

دۆخی گیراوانی بادینان دوای مانگرتن مەترسیدارە

بۆ ڕای گشتی ..

بۆ لایەنە پەیوەندیدارەکان..

بۆ یۆنامی ..

بۆ کونسلگەری و نێردە دیپلۆماتیەکان ..

باری تەندروستی سزادراوانی مانگرتوی چاکسازی هەولێر بە گشتی و شیلادزێ بەتایبەت بەرەو خراپی و ترسناکی دەچێت لە نێوانیان دا نێچیرڤان بدیع جگە لە خوێن بەربوون هەردوو چاوەکانی کەم بینا بوە و ژانێکی زۆریشی لە هەردو گورچیلەکانیشی هەیە و هەروەها کۆڤان تاريق ئەمڕۆ توشی نەخۆشی پێست بوە باری تەندروستی تێکچوە و ئەمجەد یوسفیش ڤایرۆسی جگەر و بەهۆی مانگرتنەوە باری تەندروستی تێکچوە و هەروەها ژمارەیەکی تریش لە مانگرتوان کە بە هەمان ماددەی سزادراوانی بادینان لە چاکسازین و باری تەندروستیان ناجێگیرە.

داوا دەکەین بەهانایانەوە بچن و خەریکە نزیکی مەرگ دەبنەوە..

هەروەها ئەمڕۆ ١٣ کەسی تر لە ئاسایشی گشتی هەولێر لە نێویاندا هەریەک لە سەدرەدین سلێمان و شەوکەت شەرەفانی و ئەکرم ئامێدی مانیان گرتوە بەهۆی ئەوەی کە سێ ساڵ و سێ مانگە ڕاگیراون دادگایی ناکرێن . 

تیمی پارێزەرانی خۆبەخشی سزادراوانی بادینان

     ٢/٨/٢٠٢٢