گه‌ڕان

Shadow Shadow
سیاسه‌تی

زانیاریی زیاتر

’’هێز بۆ ناوچە سنورییەکان زیاد دەکرێت’’

2022.08.02 - 16:49
App store icon Play store icon Play store icon
’’هێز بۆ ناوچە سنورییەکان زیاد دەکرێت’’

ناس کورد-

فەرماندەی هێزەکانی پاسەوانی سنور ڕایگەیاند، بڕیاردراوە هێز بۆ ناوچە سنورییەکان زیاد بکرێت، ئەندامێکی لیژنەی ئاسایش و بەرگریش لەپەرلەمانی عێراق دەڵێت، دوو لیوا لە خەڵکی ناوچەکە بۆ سنورەکان دروست دەکرێن.

کەناڵی ناس کورد لە تێلیگرام جۆین بکە   

 

دلێر زێباری، فەرماندەی هێزەکانی پاسەوانی سنوری لەدهۆک (سێشەممە 2-8-2022) بە میدیای فەرمیی پارتیی ڕاگەیاند، " هێزی پاسەوانی سنوری کەمە و پێویستمان بەهێزی زیاتر هەیە، بڕیاردراوە کە هێزمان بۆ زیاد بکرێت، چونکە ئێمە پێویستمان بە نزیکەی پێنج هەزار پاسەوانی دیکە هەیە بۆ ئەوەی بتوانین ئەو بۆشاییەی هەیە پربکەینەوە." 

 

ئاماژەی بەوەشکردووە، "جارێ بڕیار دراوە و چاوەرێ دەکەین کە هێزمان بۆ زیاد بکرێت بۆ سنورەکان، چونکە پێویستمان پێ هەیە." 

 

سەگڤان سندی، ئەندامی لیژنەی ئاسایش و بەرگری لە پەرلەمانی عێراق دەڵێت، " دوای ئەوەی سەردانی خاڵە سنورییەکانمان کرد دیاربوو کە پێویستی بەهێزی زیاتر هەیە بۆ ئەوەی بتواندرێت سنور کۆنترۆڵ بکرێت، بۆیە لەراپۆرتی خۆمان داوامان کردووە دوو لیوا لە خەڵکی ناوچەکە بۆ هێزی پاسەوانی سنوری زیاد بکرێت و هەموو رێکارەکان تەواو بوون، تەنها ماوە پەرلەمان کۆبێتەوە و دەنگی لەسەر بدرێت و ببێتە بڕیار."