گه‌ڕان

Shadow Shadow
سیاسه‌تی

بەپەلە

ڕەوتی سەدر سێ مەرجی بۆ گفتوگۆ ڕاگەیاند

2022.08.01 - 12:02
App store icon Play store icon Play store icon
ڕەوتی سەدر سێ مەرجی بۆ گفتوگۆ ڕاگەیاند

 

ناس کورد- 

ڕەوتی سەدر وەڵامی دەستپێشخەرییەکەی هادی عامریی دایەوە کە داوای گفتوگۆ و دانوستاندنی کردبوو  و دەڵێت، وەک مەرجێک بۆ دانوستاندن پێویستە سەرەتا هاوپەیمانیی فەتح لە چوارچێوەی هەماهەنگی بکشێتەوە، هەروەها ئیدانەی تۆمارە دەنگییە دزەپێکراوەکانی مالیکی بکات و گرەنتییەکیش بۆ جێبەجێکردنی دیالۆگی چاکسازیخوازانە دیاری بکات.

کەناڵی ناس کورد لە تێلیگرام جۆین بکە   

 

محەمەد ساڵح عێراقی، وەزیری سەدر لە تویتێکدا (دووشەممە 1-8-2022) ڕایگەیاند، "سێ مەرجمان هەیە بۆ داوای برامان هادی عامری، سەرۆکی هاوپەیمانیی فەتح بۆ دیالۆگ و گفتوگۆ لەنێوان ڕەوتی سەدر و چوارچێوەی هەماهەنگی ." 

 

ئاماژەی بەوەشکردووە، مەرجەکان بریتین لە، "یەکەم، کشانەوەی هاوپەیمانیی فەتح لە چوارچێوەی هەماهەنگی، دووەمیش، سەرکۆنە کردنی قسەکانی مالیکی لە تۆمارە دزەپێکراوەکانی ماوەی ڕابردوو." 

 

هاوکات سەبارەت بە مەرجی سێیەمیش، وەزیرەکەی سەدر دەڵێت، "ئێوە لە واژۆکارانی بەڵگەنامەیەکی چاکسازی بوون، بەڵام جێبەجێ نەکرا، کێ گەرەنتی جێبەجێکردنی دیالۆگی چاکسازیخوازانە دەکات، بۆ ئەوەی عێراق لە گەندەڵی رزگار بکرێت دەبێت کەفیلێک دیاری بکەن”.