گه‌ڕان

Shadow Shadow
سیاسه‌تی

2022.08.01 - 09:10
App store icon Play store icon Play store icon

ناس کورد- 

مستەفا کازمی، فەرماندەی هێزە چەکدارەکانی عێراق فەرمانێکی ئاڕاستەی هێزە ئەمنییەکان کرد و داوا دەکات، بەهیچ شێوەیەک چەک لە دژی خۆپیشاندەران بەکارنەهێنن.

کەناڵی ناس کورد لە تێلیگرام جۆین بکە   

 

جگە لە خۆپیشدانی لایەنگرانی سەدری، بڕیارە ئەمڕۆ لایەنگرانی چوارچێوەی هەماهەنگی دژە خۆپیشاندان ئەنجام بدەن و ئەوەش مەترسی پەشێویی ئەمنیی لە بەغدا دروست کردووە.

 

 

لەوبارەیەوە، سەرۆک وەزیرانی عێراق لە فەرمانێکدا کە ئاڕاستەی هێزە ئەمنییەکانی کردووە، دەڵێت، "بەکارهێنانی چەک و تەقەکردن لە خۆپیشاندەران قەدەغەیە." 

 

ئاماژەی بەوەشکرد، "پێویستە هێزە ئەمنییەکان فەرماندە و ئەندامەکانیان ئاگادار بکەنەوە کە گۆڕەپانەکانی خۆپیشاندانەکان بپارێزن بەبێ بەکارهێنانی چەک و توندوتیژی." 

 

مستەفا کازمی داواشی کردووە، هێزە ئەمنییەکان خاڵی پشکنین دابنێن بۆ دەستبەسەرداگرتنی چەکی بێ مۆڵەت."

 

سەرۆک وەزیرانی عێراق دەشڵێت، "پێویستە دان بەخۆتاندا بگرن و ئارام بن و مامەڵەیەکی پیشەییانە و مرۆڤدۆستانە بکەن." 

me_ga.php?id=39569