گه‌ڕان

Shadow Shadow
سیاسه‌تی

’’سودانى ناگۆڕین’’

عەمار حەکیم: تۆپەکە لە گۆڕەپانى لایەنە کوردییەکانە

2022.07.29 - 11:54
App store icon Play store icon Play store icon
عەمار حەکیم: تۆپەکە لە گۆڕەپانى لایەنە کوردییەکانە

ناس کورد-

 

عەمار حەکیم سەرۆکى رەوتى حیکمە رەخنە لە هەڵکوتانە سەر پەرلەمان دەگرێت و جەختدەکاتەوە محەمەد شیاع سودانى ناگۆڕن و ئێستا تۆپەکە لە گۆڕەپانى لایەنە کوردییەکانە بۆ رێککەوتن لەسەر کاندیدى سەرۆککۆمار.

کەناڵی ناس کورد لە تێلیگرام جۆین بکە   

 

حەکیم لە چاوپێکەوتنێکدا لەگەڵ کەناڵی “BBC”، وتى "شتە سەرنجڕاکێشەکە ئەوەیە کە لایەنێکی سیاسی ناسراو خۆپیشاندانێک پەسەند دەکات و هێرش دەکاتە سەر ناوچەی سەوز و ئەنجومەن لە نوێنەران، ئەمە نیشاندەرێکی نەرێنییە چونکە ڕەوتە سیاسییەکان پابەندن بە چوارچێوەی یاساییەوە، ئەم خۆپیشاندانە چوارچێوەی یاسایی تێپەڕاند."

 

وتیشى "ڕەوتی سەدری نەیتوانی دوو لەسەر سێ بەدەست بهێنێت و سەرکەوتوو نەبوو لە پێکهێنانی حکومەت لەگەڵ هاوپەیمانی سێ، و بڕیاریدا لە پەرلەمان بکشێتەوە، هیوامان دەخواست چاوەڕێی پێكهێنانی حكومەت بكات و هەڵسەنگاندن بۆ ئەدای خۆی بكات و دواتر خۆپیشاندان بكات".

 

حەکیم جەختیشی لەوە کردەوە کە "چوارچێوەی هەماهەنگی بە کۆی دەنگ لەسەر کاندیدەکەی محەمەد شیاع سودانی رێککەوتوون و بەردەوام دەبێت لە هەنگاوەکانی پێکهێنانی حکومەت، کە ئێستا پرسەکە لەسەر گۆڕەپانی کورد چڕبووەتەوە بۆ رێککەوتن لەسەر" کاندیدێک بۆ پۆستی سەرۆکایەتی کۆمار”.

 

بەوتەى حەکیم، رەوتی سەدری دیدگایەکی هەیە لەسەر کاندیدە چوارچێوە، رەنگە ناڕەزایی دەرببڕێت بەرامبەر هەر کاندیدێکی تر ئەگەر سودانى بگۆڕن، "ناعەقڵانییە هەرکات خۆپیشاندانێک روویدا کاندیدەکەمان بگۆڕین".