گه‌ڕان

Shadow Shadow
سیاسه‌تی

زانیارى زیاتر

سەرۆکى دەستەى مافى مرۆڤ: پێنج مانگە وەڵامم نەدراوەتەوە بۆ بینینى مەسرور بارزانی

2022.07.27 - 20:45
App store icon Play store icon Play store icon
سەرۆکى دەستەى مافى مرۆڤ: پێنج مانگە وەڵامم نەدراوەتەوە بۆ بینینى مەسرور بارزانی

ناس کورد-

 

سەرۆکى دەستەى سەربەخۆى مافى مرۆڤ رایگەیاند، پێنج مانگە داواى بینینى مەسرور بارزانى کردووە بۆ گفتوگۆکردن سەبارەت بەڕەوشی مافی مرۆڤ و پێشێلکاری، بەڵام تا ئێستا وەڵام نەدراوەتەوە.

کەناڵی ناس کورد لە تێلیگرام جۆین بکە   

 

مونا یاقو (27-7-2022) لە راگەیەنراوێکدا ئاماژەى بەوەکردووە، "دامەزراوەیەك کە گوایە سەربەخۆیە، ناتوانێت سەرکەوتوبێت لە کارەکانیدا،  پۆستە هەستیارەکان تیایدا درابێتە کەسانێكى حیزبى خاوەن باکگراوندێکی سیاسی دیاریکراو، کارى سەرەکیان دروست کردنى قەیران و دووبەرەکایەتى بێت".

 

دەقى راگەیەنراوەکە:

 

1- زیاتر لەپێنج مانگ لەمەوبەر، داواى چاوپێکەوتنى سەرۆك وەزیرانى هەرێمم کرد، بۆ گفتوگۆکردن سەبارەت بەڕەوشی مافی مرۆڤ و پێشێلکاری و شێوازی مامەڵەکردن لەگەڵیان و ئەو کێشانەی کە ڕێگرن لە پێش کاری دەستەکەمان  بەڵام بەداخەوە تا ئێستا وەڵامی ئەو داواکارییە نەدراوەتەوە.

 

2 - دامەزراوەیەك کە گوایە سەربەخۆیە، ناتوانێت سەرکەوتوبێت لە کارەکانیدا،  پۆستە هەستیارەکان تیایدا درابێتە کەسانێكى حیزبى خاوەن باکگراوندێکی سیاسی دیاریکراو، کارى سەرەکیان دروست کردنى قەیران و دووبەرەکایەتى بێت.

 

ئەو جۆرە ڕاسپاردنە بەڵگەیە لەسەر خواستی دەسەڵات بۆ ئیفلیجکردنی کاری ئەم دەزگایانە و بە دیکۆر کردنی بە پابەند کردنى بە فەرمانی کەسانی دیاریکراوەوە.

 

3 - کارکردن لەبواری مافی مرۆڤدا کارێکی ئەخلاقییە کە پەیوەستە بە ویژدانی تاکەوە بۆیە دەبێت گرنگی بە بەرژەوەندی هەر کەسێك بدەین کە مافی پێشێل کرابێت،  بێ گوێدان بە مەیلی سیاسی و ئاین و نەتەوەیى، کە بەداخەوە ئەوەش بوونی نییە، چونکە کارەکە بووەتە کارێکى مەزاجى و هەڵبژاردەیى و مامەڵە لە گەل هەر گرفتێکدا بە پێى پۆلین کردنى سیاسی دیاریکراوەوە دەکرێت.

 

4 - هەڵسەنگاندنی من لە کار لە بواری مافی مرۆڤدا نائومێدکەرە، بەهۆی نەبوونی پیشەیی و بێلایەنی.

 

5- بە هەموو وزەیەکی خۆمەوە تێدەکۆشم، بۆ خزمەتکردنى هەموو چەوساوەیەك، هەتا ئەو ساتەى کە  هەست دەکەم بونم وەك نەبون وایە. ئەو کاتە بڕیارێکی ترم دەبێت.

 

لە کۆتاییدا

 

قسەى دبلۆماتێکى پلە بەرزم زۆر بەدڵ بوو کە پێش جەند ڕۆژێك چاوم پێى کەوت فەرموى" کاتم نیە چاوم بە هەموو لێپرسراوانى هەرێم بکەوێت، بەڵام چاوم بە ئێوە کەوت، چونکە چاوپێکەوتنى سەرۆکى مافى مرۆڤ بەسە بۆ ئەوەى بۆچونێکم بداتێ لە بارەى هەموو کاروبارەکانى هەرێمەوە".

 

هیوادارم هەموو دەسەڵاتەکان  گرنگى مافى مرۆڤ بزانن. وەك ئەوەى ئەو کەسە دەیزانى.

تێبینى:

 

مەبەست لەم خستنەڕویە چاکسازییە، حەز دەکەم دەستەکەمان ببێتە ڕوکارێك، هەرێم شانازى پێوە بکات. لە میانى بە جێهێنانى کارەکانى بە شێوەیەکى پیشەیى و بێ لایەنانە، نەك سەرقاڵ بین بە کارى لاوەکیەوە لە سەر حیسابى هاوڵاتى.

 

دەمەوێت جەستەمان ببێتە بەرەیەک کە هەرێم شانازی پێوە دەکات لە ڕێگەی کارە پیشەیی و بێلایەنیەکەیەوە نەک بە بابەتی لایەنی ڕووکەشانە و لەسەر حسابی خزمەتکردن بە هاوڵاتیان سەرقاڵ بێت