گه‌ڕان

Shadow Shadow
سیاسه‌تی

چوارچێوەی هەماهەنگی لەبارەى دەنگدان بە کاندیدی سەرۆککۆمار خۆی یەکلایی کردەوە

2022.07.25 - 22:57
App store icon Play store icon Play store icon
چوارچێوەی هەماهەنگی لەبارەى دەنگدان بە کاندیدی سەرۆککۆمار خۆی یەکلایی کردەوە

ناس کورد-

قەیس خەزعەلی، سکرتێری گشتیی عەسائیبی ئەهلی حەق ڕایگەیاند، لە ئەگەری ڕێکنەکەوتنی یەکێتی و پارتی لەسەر کاندیدێکی هاوبەش بۆ پۆستی سەرۆککۆمار، "ئێمە وەک چوارچێوەی هەماهەنگی دەنگ بە کاندیدەکەی یەکێتی دەدەین."

کەناڵی ناس کورد لە تێلیگرام جۆین بکە   

 

قەیس خەزعەلی لە مێزگردێکی دەنگیدا لە تویتەر کە نوێنەری "ناس کورد"یش ئامادەی بوو (25ی تەموزی 2022) وتی، هۆکاری دەنگدانی چوارچێوەی هەماهەنگی بە کاندیدەکەی یەکێتی بۆئەوە دەگەڕێتەوە کە ئەو حزبە پشتگیری هەڵوێستەکانی چوارچێوەی هەماهەنگی کردووە و ئێمە قەرزداری یەکێتین کە لە کاتە سەختەکاندا لەگەڵمان بوون."

 

ناوبراو نهێنی دانوستانەکانی بۆ کاندیدکردنی محەمەد شیاع سودانی بۆ پۆستی سەرۆکوەزیران ئاشکرا کرد و دەڵێت، "سەدرییەکان وتیان پەیوەندی بە ئێمەوە نییە."

 

وتیشی، “سەرکردەکانی هێڵی یەکەم وەک مالیکی، هادی عامری، فالح فەیاز و حەیدەر عەبادی دەستبەرداری پۆستەکە بوون بە ئامانجی ڕێگەدان بە هێڵی دووەم بۆ ئەوەی بەرپرسیارێتی لە ئەستۆ بگرن."

 

خەزعەلی ئاماژەی بەوەشکردووە کە "بەڕێز هادی عامری کاندیدی قاسم ئەعرەجی کشاندەوە بۆ کەمکردنەوەی جیاوازییەکان."

 

سەبارەت بە هەڵوێستی ڕەوتی سەدری، خەزعەلی وتی، "هەندێک لە برادەران هەوڵیاندا پەیوەندییان پێوە بکەن بۆ ئەوەی دۆخەکە بزانن، وەڵامەکەش ئەوە بوو کە ئێمە (سەدرییەکان) گرنگی بەم ڕێککەوتنە نادەین، نە بە نەرێنی و نە ئەرێنی".