گه‌ڕان

Shadow Shadow
سیاسه‌تی

گۆڕینی شێوازی وانەوتنەوە

پەروەردە شەش بڕیارى لەبارەى دەستپێکردنى ساڵى نوێی خوێندن راگەیاند

2022.07.24 - 23:14
App store icon Play store icon Play store icon
پەروەردە شەش بڕیارى لەبارەى دەستپێکردنى ساڵى نوێی خوێندن راگەیاند

ناس کورد-

 

وەزارەتى پەروەردە رایگەیاند، سێ رۆژى یەکەمى سەرەتاى ساڵى نوێی خوێندن تەرخاندەکرێت بۆ هەڵمەتی هۆشیاری لەسەر چەند بابەتێک کە وەک دەوامی فەرمییە، پاشان ١٧ی ٩ی ٢٠٢٢ یەکەم رۆژی وانە وتنەوەی فەرمی دەبێت.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتەکە کە دەست "ناس کورد" کەوتووە، پرۆژەی گۆڕینی شێوازی وانەوتنەوە لە چەند قوتابخانەیەکی کوردستان وەک pilot project دەبێت.

 

دەقى راگەیەنراوەکە:

 

دەوامی قوتابخانەکان لە ۱۳ی ئەیلولی داهاتوو دەستپێدەکات

 

ئەمڕۆ یەکشه‌ممه‌ ڕێکه‌وتى٢٤ی۷ی۲۰۲۲، بەسەرپەرشتی "ئالان حەمەسەعید ساڵح" وه‌زیرى په‌روه‌رده‌ى حکومه‌تى هه‌رێمى کوردستان، بەئامادەبوونی بریکاری وەزارەت و ئەندامانی ئەنجومەنی وەزارەت کۆبوونەوەی ئەنجومەی وەزارەت بەرێوەچوو.

 

لە کۆبوونەوەکەدا  چەند پرسێکی گرنگ تاوتوێ کرا، کە تێدا بریاردرا :

 

١- رێکەوتی ١٣ ی ٩ دەوامی فەرمی ساڵی نوێی خوێندن دەستپێدەکات و سێ رۆژی سەرەتای دەوام بۆ هەڵمەتی هۆشیاری بێت لەسەر چەند بابەتێک کە وەک دەوامی فەرمییە ، پاشان ١٧ی ٩ی ٢٠٢٢ یەکەم رۆژی وانە وتنەوەی فەرمی دەبێت.

 

٢- پرۆژەی گۆڕینی شێوازی وانە وتنەوە لە چەند قوتابخانەیەکی کوردستان وەک pilot project دەبێت.

 

٣- راسپاردنی بەڕێز بریکاری وەزیر بۆ سەرپەرشتیکردنی چەند ۆرک شۆپێک سەبارەت بە سیستمی تاقیکردنەوەکان.

 

٤- پەسەندکردنی رێکخستنەوەی رێکارەکانی دانانەوە و دانانی وانەبێژانی دانەمەزراو.

 

٥- بەدواداچوون بۆ جێبەجێکردنی پلانی کاری ساڵی نوێی خوێندن .

 

٦- پەسەندکردنی ساڵنامەی خوێندنی باخچە و قوتابخانە و خوێندنگە و پەیمانگەکانی سەر بە وەزارەتی پەروەردە.