گه‌ڕان

Shadow Shadow
سیاسه‌تی

زانیاریی زیاتر

ڕاگەیەنراوێک لە دەستەی ناوچە کوردستانییەکانەوە لەبارەی ’’تاشینی سمێڵی پێشمەرگەیەک’’

2022.07.24 - 16:46
App store icon Play store icon Play store icon
ڕاگەیەنراوێک لە دەستەی ناوچە کوردستانییەکانەوە لەبارەی ’’تاشینی سمێڵی پێشمەرگەیەک’’

ناس کورد-

 

دەستەی گشتی ناوچە کوردستانییەکانی دەرەوەی ئیدارەی هەرێم ڕاگەیەنراوێکی لەبارەی سوکایەتی کردن بە پێشمەرگەیەکەوە لە کەرکوک بڵاوکردەوە و دەڵێت، "ئەوانەی بە تاشینی سمێڵی پێشمەرگەیەک ئەیانەوێت سوکایەتی بە کورد و کوردستان بکەن، تێناگەن لەوەی ئەوە لە زەلیلی و داماویانەوەیە بەرامبەر پێشمەرگە."

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکە: 



ڕاگەیەنراوێک لە دەستەی گشتی ناوچە کوردستانییەکانی دەرەوەی ئیدارەی هەرێم، لەبارەی سوکایەتی کردن بە پێشمەرگەیەکەوە لە کەرکوک

 

ئەوانەی بە تاشینی سمێڵی پێشمەرگەیەک ئەیانەوێت سوکایەتی بە کوردو کوردستان بکەن، تێناگەن لەوەی ئەوە لە زەلیلی و داماویانەوەیە بەرامبەر پێشمەرگە، پیاوەتی و جوامێری پێشمەرگە لە شەڕی داعش و جەنگی دژی دیکتاتۆریەتدا تاقی کراوەتەوە، ئێوە بەم کارەتان جگە لە بێ ڕێزی بەرامبەر کۆی بەها مرۆڤایەتی و ئاینییەکانی پێکھاتەیەکی گرنگی کوردستان و عێڕاق و ماناکانی ژیانی پێکەوەیی و بێ بایەخ کردنی هەر هەوڵێک بۆ بەدیهاتنی سەقامگیری و بەرەنگاری مەترسییەکانی داعش و تیرۆر لەو ناوچانە و شکاندنی شکۆی خۆتان هیچی ترتان نەکردوە.

 

لەم بارەیەوە دەستەی گشتی ناوچەکوردستانییەکانی دەرەوەی ئیدارەی هەرێم ئامادەیی خۆی نیشان ئەدات بۆ تەواوی هاوکاری و پشتیوانی لەو برا پێشمەرگەیە لەڕووی یاساییەوە، داواش ئەکات لایەنی دەسەڵاتداری عێڕاق لە حکومەتی عێراق سزای تاوانباران بدەن و قەرەبووی دەروونی و مادی بکەنەوە، تا کەسی تر و لە کاتی تر بوێری ئەم جۆرە کارانەی نەبێت بەرامبەر پێشمەرگە وەک هێزێکی دەستووری لە عێڕاقدا.

 

دەستەی گشتی ناوچە کوردستانییەکانی دەرەوەی ئیدارەی هەرێم

...................