حکومەتی ئێران بەفەرمی سەرەخۆشی لە گەلی ئەمریکا کرد

کەناڵی ناس کورد لە تێلیگرام جۆین بکە   

ناس کورد وەزارەتی دەرەوەی ئێران، بەفەرمی پەیامێکی سەرەخۆشی ئاڕاستەی گەلی ئەمریکا کرد بەهۆی ئەو هێرشە چەکدارییانەی لە چەند رۆژی رابردودا لەو وڵاتە ئەنجامدران. . ئەمرۆ، دووشەممە 5ی ئابی 2019، عەباس موسەوی وتەبێژی وەزارەتی دەرەوەی ئێران، پەیامێکی جیاواز لە پەیامەکانی ڕابردووی ئاڕاستەی ئەمریکا کردووە. . وته‌بێژی وه‌زاره‌تی ده‌ره‌وه‌ی ئێران ڕایگەیاندوە "بەهۆی ئه‌و په‌لاماره‌ چه‌كدارییه‌ی له‌شاری ئێل پاسۆی ویلایه‌تی تێكساسی ئه‌مریكا ڕوویدا و تێیدا 20 كه‌س گیانیان لەدەستدا، سه‌ره‌خۆشیی له‌ گه‌لی ئه‌مریكا دەکەین." . عه‌باس موسه‌وی لەپەیامەکەدا وتوویەتی "ئەو په‌لاماره‌‌ ترسناكە و کارێکی ترسنۆکانەیە، سه‌ره‌خۆشی له‌ كه‌سوكاری قوربانییان و گه‌لی ئه‌مریكا دەکەین و هیوای بەپەلە چاكبوونه‌وه‌ بۆ برینداره‌كان دەخوازین." . ئەوەش دوای ئەوە دێت لەچەند رۆژی ڕابردودا ژمارەیەک هێرشی چەکداریی لە ناوچە جیاوازەکانی ئەمریکا ڕوویاندا کە بەهۆیانەوە 34 لەس کوژران و  50تریش بریندار بوون. . پەیامەکەی وەزارەتی دەرەوەی ئێرانیش هاوکاتە لەگەڵ بەردەوامی گرژییەکانی تاران و واشنتن لە ناوچەی کەنداو. .