گه‌ڕان

Shadow Shadow
سیاسه‌تی

زانیاریی زیاتر

تورکیا پەیامێکی نوێی لەسەر ڕووداوەکەی زاخۆ بڵاوکردەوە و سوپاسی عێراق دەکات

2022.07.21 - 16:28
App store icon Play store icon Play store icon
تورکیا پەیامێکی نوێی لەسەر ڕووداوەکەی زاخۆ بڵاوکردەوە و سوپاسی عێراق دەکات

ناس کورد- 

وەزیری دەرەوەی تورکیا ڕەتیدەکاتەوە وڵاتەکەی هیچ ئۆپەراسیۆنێکی بۆسەر خەڵکی مەدەنی لە زاخۆ ئەنجام دابێت و دەڵێت، ئەوە کردەوەی تیرۆرستی بووە، دەشڵێت، بەشداری لە ماتەمینیی عێراق دەکەن و ئاڵای باڵیۆزخانەکەیان بۆ نیو داگرتووە. 

کەناڵی ناس کورد لە تێلیگرام جۆین بکە   

 

وەزیری دەرەوەی تورکیا، مەولود چاوشئۆغڵو لەبارەی ئەو هێرشەی کرایە سەر پارێزگای دهۆک رایگەیاند "هەموو جیهان دەزانێت تورکیا هەرگیز ئۆپەراسیۆنی بۆسەر هاووڵاتییانی مەدەنی ئەنجام نەداوە. بە رەچاوکردنی یاسا نێودەوڵەتییەکان ئێمە بەردەوامین لە بەرەنگاربوونەوەی تیرۆر و دوای ئەو هەواڵە کە دوێنێ بڵاو کرایەوە، راستەوخۆ کەوتینە پەیوەندی لەگەڵ دامەزراوە پەیوەندیدارەکانمان، ئاڵوگۆڕی زانیاریمان کرد و بەپێی ئەو زانیارییانەی لە سوپای تورکیاوە بەدەستیمان گەیشتوون، هیچ جۆرە ئۆپەراسیۆنێک بۆسەر هاووڵاتییانی مەدەنی ئەنجام نەدراوە".

 

مەولود چاوشئۆغڵو، وەزیری دەرەوەی تورکیا لە چاوپێکەوتنێکی تەلەفزیۆنیدا (پێنجشەممە 21-7-2022) ڕایگەیاند، " داوای لێخۆشبوون بۆ ئەو نۆ خوشک و برایەمان لە خوا دەکەم کە لە ڕووداوەکەی دوێنێ کۆچی دواییان کرد و هیوای زوو چاکبوونەوە بۆ برینداران دەخوازم." 

 

ئاماژەی بەوەشکردووە، " لەبارەی ئەم هێرشەوە تورکیا تاوانبار کرا، هەموو جیهان دەزانێت تورکیا هەرگیز ئۆپەراسیۆنی بۆسەر هاووڵاتییانی مەدەنی ئەنجام نەداوە." 

 

وەزیری دەرەوەی تورکیا باسی لەوەشکردووە، " دوای ڕووداوەکە راستەخۆ کەوتینە پەیوەندی لەگەڵ دامەزراوە پەیوەندیدارەکانمان، ئاڵوگۆڕی زانیاریمان کرد و بەپێی ئەو زانیارییانەی لە سوپای تورکیاوە بەدەستمان گەیشتوون، هیچ جۆرە ئۆپەراسیۆنێک بۆسەر هاووڵاتییانی مەدەنی ئەنجام نەدراوە، هەمیشە ئامانجی ئێمە پەکەکە یاخود یەپەگە/پەیەدە بووە لە سووریا".

 

چاوشئۆغڵو ئاماژەی بەوەشکردووە، " دەتوانین لەگەڵ لایەنە پەیوەندیدارەکانی عێراق لەبارەی ئەم هێرشە ناپاکە هەماهەنگی بکەین کە پێمان وایە لەلایەن رێکخراوە تیرۆریستییەکانەوە ئەنجام دراوە، تا پەردە لەسەر ئەمە هەڵنەماڵدرێت تەواوی ئەو لێدوان و راگەیەندراوانە رەت دەکەینەوە کە لەلایەن کەسانی بەرپرس و کەسانی ئاسایی ئاراستەی تورکیا دەکرێن." 

 

مەولود چاوشئۆغڵو ئەو دەنگۆیانەشی رەت کردەوە کە باس لە چوونی خۆپیشاندەران دەکەن بۆ ناو باڵیۆزخانەی تورکیا لە بەغدا و دەڵێت، "هیچ جۆرە چوونێک بۆ ناو باڵیۆزخانەکەمان لە ئارادا نییە، لایەنە ئەمنییەکانی عێراق لە هەموو شوێنێک رێوشوێنی پێویستییان گرتووەتە بەر سوپاسیان دەکەین، ئەمڕۆ یەک رۆژ ماتەمینی لە عێراق راگەیەندراوە، باڵیۆزخانەکەشمان ئاڵای بۆ نیوە داگرتووە، تەواوی نێردەکانمان لە عێراق بەشداری لەو ماتەمینییەدا دەکەن".