گه‌ڕان

Shadow Shadow
سیاسه‌تی

زانیارى زیاتر

بریارێکى نوێ لە وەزارەتى ناوخۆوە لەبارەى تۆمارکردنى ئۆتۆمبێل 

2022.07.20 - 22:46
App store icon Play store icon Play store icon
بریارێکى نوێ لە وەزارەتى ناوخۆوە لەبارەى تۆمارکردنى ئۆتۆمبێل 

ناس کورد-

 

وەزارەتى ناوخۆ رایگەیاند، وەزیرى ناوخۆ بڕیارى تایبەت بە  تۆمارکردنی ئۆتۆمبێلی کێشەدارى لە ڕووی مەرجی سەلامەتییەوە پەسەندکرد.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتەکە کە دەست "ناس کورد" کەوتووە،  لە ئایندەیەکی زۆر نزیک و تەنیا ڕۆژانی شەممە بۆ دووبارە پشکنینەوە و تۆمارکردنی ئەو ئۆتۆمبێلانەی لە مەرجەکانی سەلامەتی دەردەچن، تەرخان دەکرێت و دەست بە جێبەجێکردنی بەیانی ئاماژە بۆکراو دەکرێت.

 

دەقى راگەیەنراوەکە:

 

ڕۆژی چوارشەممە ڕێکەوتی ٢٠ی تەمووزی ٢٠٢٢ لە دیوانی وەزارەتی ناوخۆ بە ئامادەبوونی بەڕێوەبەری گشتی دیوان، بەڕێوەبەری گشتی هاتوچۆ، بەڕێوەبەرانی بەڕێوەبەرایەتی هاتوچۆی پارێزگاکانی هەولێر، سلێمانی و دهۆک، کۆبوونەوەی جێبەجێکردنی بەیانی ژمارە ١٦ ی ساڵی ٢٠٢٢ تایبەت بە تۆمارکردنی ئۆتۆمبێلی کێشەدار لە ڕووی مەرجی سەلامەتی، بەڕێوەچوو.

 

دوای تاوتوێکردنی ماددەکانی ناو بەیانەکە و بۆ بەرژەوەندی گشتی، کۆبوونەوە میکانیزمی ڕوونی بۆ جێبەجێکردنی بەیانەکە ئامادەکردوو خرایە بەردەست جەنابی وەزیری ناوخۆ بۆ پەسندکردنی. هەر هەمان ڕۆژ بەڕێز وەزیری ناوخۆ پەسندی کۆنووسی کۆبوونەوەی کرد.

 

بە هاووڵاتیانی خۆشەویست ڕادەگەیەنین کە لە ئایندەیەکی زۆر نزیک و تەنیا ڕۆژانی شەممە بۆ دووبارە پشکنینەوە و تۆمارکردنی ئەو ئۆتۆمبێلانەی لە مەرجەکانی سەلامەتی دەردەچن، تەرخان دەکرێت و دەست بە جێبەجێکردنی بەیانی ئاماژە بۆکراو دەکرێت.

 

راگەیاندنی وەزارەتی ناوخۆی

حکومەتی هەرێمی کوردستان

 

٢٠ی تەمووزی ٢٠٢٢