گه‌ڕان

Shadow Shadow
سیاسه‌تی

زانیاری ئاشکرا دەکات

ئەو کەسەی تۆمارە دەنگییەکەی مالیکی بڵاوکردەوە: شتی ترم لایە و بڵاویدەکەمەوە

2022.07.20 - 15:16
App store icon Play store icon Play store icon
ئەو کەسەی تۆمارە دەنگییەکەی مالیکی بڵاوکردەوە: شتی ترم لایە و بڵاویدەکەمەوە

ناس کورد-

عەلی فازڵ، ئەو کەسەی تۆمارە دەنگییە دزەپێکراوەکانی مالیکی بڵاوکردەوە و شەقامی عێراقی هەژاند دەڵێت، "شتەكە بەس بە مالیكی ناوەستێت و زۆری ترم لایە و بەردەوام دەبم".

کەناڵی ناس کورد لە تێلیگرام جۆین بکە   

 

عەلی فازڵ کە ڕۆژنامەنوسێکی عێراقییە و ئێستا لە ئەمریکایە لە چاوپێکەوتنێکی تەلەڤزیۆنیدا کە ناس کورد بینویەتی (20ی تەموزی 2022) نهێنی نوێ لە بارەی تۆمارە دەنگییەكان ئاشكرا دەكات و دەڵێت، ڕێكخراوێكی بیانی پرۆفێشناڵ پشكنی بۆ تۆمارە دەنگییەکە كردووە و دروستی تۆمارەكانیان سەلماندووە."

 

جەختدەکاتەوە کە "هەر تەكنیككارێكی بە ئەزموون دەتوانێت جێ پەنجەی بڕین و مۆنتاژ لە شتی ساختە بدۆزرێتەوە."

 

وتیشی، "دانیشتنەكەی مالیكی 48 خولەكە، من هەندێكی كەمیم تا ئێستا بڵاوكردووەتەوە. لە بەشەكانی تری دانیشتنەكە میوانی ئێرانی دێن و لە تۆمارەكە بەخێرهاتن و قسە بڕین و زانیاری و نهێنی زیاتر هەن."

 

عەلی فازڵ دەشڵێت، "هیچ ئامانجم مالیكی نییە بەتەنها و بمبینێ نامناسێت، بەڵكە كۆی چینە سیاسییەكەم مەبەستە و بە ئەو دەستم پێكرد. دیدارەكە لە ماڵی مالیكی بووە لە بەغدا".

 

وتیشی ئەگەر "ئەگەر یەكجار دایبەزێنم ئەو 48 خولەكە، ئەوە زوو لە بیر دەچێت و كاریگەریی نابێت. ئەگەر ئەو بەش بەشە نەبوایە كاردانەوە نەدەبوو، موقتەدا سەدر نەدەهاتە سەر خەت."

 

ناوبراو باسی لەوەشدەکات کە "لە تۆمارەكاندا ڕووی مالیكی دەردەخات كە ئامادەیە وڵات كاول بكات بۆ گەڕانەوە، هەروەها پەیوەندیكردنی بەوڵاتان تیایە بۆ كاولكاریی."

 

وتیشی کە "دوو سیاسی پەیوەندییان پێوە كردووم، كەسێك لە سەدرییەكانەوە بۆ ئەوەی بوەستم تا دوای نوێژی هەینی، ئەوی تر كەسێك بوو داوای ڕاگرتنی كرد لە چوارچێوەی شیعی و وتی رێكدەكەوین و چیت ئەوێ بوەستە ئێمە بۆت ئەكەین".

 

 

عەلی فازڵ دەڵێت "دوای داواكارییەكەی چوارچێوە من ئەڵقەكانی دیكەم بڵاوكردەوە و نەوەستام و بەوە ڕازی نەبووم".

 

لە کۆتاییدا جەختیکردەوە کە "شتەكە بەس بە مالیكی ناوەستێت و زۆری ترم لایە و بەردەوام دەبم، ئەوەی ماوە 20 بۆ 25 خولەكە بڵاو نەكراوەتەوە هێشتا."