گه‌ڕان

Shadow Shadow
سیاسه‌تی

وردەکاریی

ڕاپۆرتێک باس لە ئەگەری دەستگیرکردن و دادگاییکردنی نوری مالیکی دەکات

2022.07.19 - 10:00
App store icon Play store icon Play store icon
ڕاپۆرتێک باس لە ئەگەری دەستگیرکردن و دادگاییکردنی نوری مالیکی دەکات

ناس کورد- 

پسپۆڕێکی مافی مرۆڤ دەڵێت، تۆمارە دەنگییەکانی مالیکی بەسە بۆ ئەوەی ناوبراو دەستگیربکرێت و ڕووبەڕووی دادگا بکرێتەوە، دەشڵێت، پێویستە ناوبراو دەستبەجێ دەستگیربکرێت چونکە، مەترسییە بۆسەر ئاسایشی نیشتیمانی. 

کەناڵی ناس کورد لە تێلیگرام جۆین بکە   

 

بڵاوبوونەوەی تۆمارە دەنگییەکانی نوری مالیکی، سەرۆکی حزبی دەعوە گرژییەکانی ناوبراوی لەگەڵ موقتەدا سەدر ئاڵۆزتر کردووە و هاووڵاتیانی عێراقیشی توشی ترس و دڵەڕاوکێ کردووە، بەتایبەت لە تۆماری چوارەمدا کە باس لە هەڵگیرسانی شەڕ لە عێراق دەکات و دەڵێت، قۆناغی داهاتوو قۆناغی شەڕە. 

 

لەئێستادا بۆچوونێک دروست بووە کە بڵاوبوونەوەی ئەو تۆمارە دەنگیانەی مالیکی مەترسیی بۆسەر داهاتووی سیاسیی ناوبراو هەیە و دوور نییە بەهۆی ئەوەوە ڕووبەڕووی دادگا بکرێتەوە. 

 

لەوبارەیەوە ڕۆژنامەی "شرق الاوسط" لە ڕاپۆرتێکدا لە زاری پسپۆڕێکی مافەکانی مرۆڤ بڵاویکردووەتەوە، "بڵاوبوونەوەی ئەو تۆمارە دەنگییە بەسە بۆ ئەوەی سکاڵا لەسەر مالیکی تۆمار بکرێت و لێکۆڵینەوەی لێبکرێت و دەستگیربکرێت." 

 

ئەو پسپۆڕە کە بەهۆی هەستیاری بابەتەکە ناوی ئاشکرانەکردووە، ئاماژەی بەوەشکردووە، "من لەگەڵ ئەوەدا نیم کە هەندێک کەس دەڵێن، ئەو تۆمارە دەنگییە بەڵگەی تەواو نییە بۆ سەلماندنی تاوانباریی نوری مالیکی، چونکە ئەگەر بەڵگەی هاوشێوە لە دژی هەر کەسێکی دیکە لەبەردەستدا بووایە، ئەوا لە ماوەی چەند ڕۆژێکدا سزای لە سێدارەدانی بەسەردا دەسەپێندرا." 

 

ئەوەشی خستووەتەڕوو، "ڕاستە تۆمارە دەنگییەكە بەڵگەی تەواو نییە بۆ ئەوەی مالیکی بە تۆمەتی تیرۆر دەستگیربکرێت، بەڵام بەسە بۆ ئەوەی سكاڵا بجوڵێنرێت و دەست بە كۆكردنەوەی بەڵگەکان بكرێت لە دژی، ئەوەش وەک، پشتڕاستکردنەوەی ئەوەی کە دەستکاری تۆمارەکە نەکراوە، هەروەها لێکۆڵینەوە لەو کەسانەی کە ئامادەبوون لەو دانیشتنەی کە دەنگەکەی تێدا تۆمارکراوە."

 

جەختیشیکردووەتەوە، "ئەو جۆرە تاوانە قورسانە پێویستی بە دەستگیركردنی دەستبەجێی تۆمەتبار هەیە بۆ ئەوەی نەتوانێت كاریگەری لەسەر لێكۆڵینەوەكان و شایەتحاڵەكان دروست بکات، هەروەها دەبێت پارێزگاریی تەواو بۆ شایەتحاڵەكان دابین بكرێت خۆیان و خێزانەکانیان سەلامەت بن تەنانەت ئەگەر بە گواستنەوەیان بێت بۆ دەرەوەی وڵات." 

 

دەشڵێت، "دەرچوونی تاوانبار لەم جۆرە تاوانە قورسانەدا کە هەڕەشە لە ئاسایش و ئاشتی دەکەن، هانی کەسانی دیکە دەدات بۆ ئەنجامدانی کردەوەی هاوشێوە و هەروەها پاساو دەداتە دوژمنەکانی بۆ ئەوەی بۆ پاراستنی خۆیان و بەرژەوەندییەکانیان ڕووبەڕووی ببنەوە و پلانی هاوشێوە بەکاربهێنن."