گه‌ڕان

Shadow Shadow
سیاسه‌تی

’’گەندەڵی و تاکڕەویی’’

لاهور شێخ جەنگى: بەشدارى فراوان و مەغزاى سیاسی نوێژى یەکگرتوو ئاماژەن بۆ هاوبەشی خەڵکی کوردستان

2022.07.15 - 21:39
App store icon Play store icon Play store icon
لاهور شێخ جەنگى: بەشدارى فراوان و مەغزاى سیاسی نوێژى یەکگرتوو ئاماژەن بۆ هاوبەشی خەڵکی کوردستان

ناس کورد-

 

لاهور شێخ جەنگى رایگەیاند، بەشدارى بەرفراوانى خەڵک لە نوێژى هەینى یەکگرتوو و مەغزا سیاسییەکانی، ئاماژەن بۆ هاوبەشی خەڵکی کوردستانیش، کە ساڵانێکەوە ئەناڵێنێت بە دەست ناعەدالەتی و گەندەڵی و تاکڕەویەوە.

کەناڵی ناس کورد لە تێلیگرام جۆین بکە   

 

لاهور شێخ جەنگى (15-7-2022) لە پەیامێکدا وتى "بەشداریی بەرفراوانی جەماوەری شارەکانی عێراق لە بۆنەی نوێژی هەینی لەسەر داوا و بانگهێشتی سەماحەتی سەید موقتەدا، ئاماژەیەکی ڕوونە بۆ زیندوویی شەقامی عێراقی و ئامادەییان بۆ بەشداری لە پرسە سیاسییەکان و ڕێگریکردن لە سەپاندنی جۆرێکی سواوی بێئاکامیی حوکمڕانی بەسەر چارەنووسی خەڵکی عێراقەوە".

 

‎دەشڵێت "بە ڕای ئێمە، بە لەبەرچاوگرتنی ئەو جووڵە جەماوەرییە گەورانەی کە لە ناوچەکە و دنیادا هەیە، دەبێ ئاراستەی پرۆسەی سیاسی لە عێراقدا بە جۆرێک بێت کە ڕەنگدانەوەی داخوازییە ڕاستەقینەکانی شەقام و جەماوەر بێت لە سەقامگیری و دەوڵەتی خەڵکی و کۆتاییهێنان بە گەندەڵی و بەتاڵانبردنی سامانی گشتی".

 

لاهور شێخ جەنگى باسى لەوەشکردووە، پەیوەست بە کوردستانیشەوە، ئەم بەشدارییە بەرفراوانە و مەغزا سیاسییەکانی، ئاماژەن بۆ هاوبەشی خەڵکی کوردستانیش، کە ساڵانێکەوە ئەناڵێنێت بە دەست ناعەدالەتی و گەندەڵی و تاکڕەویەوە، "لەو ڕوانگەیەشەوە، ڕێز لە ناوەڕۆکی پێشنیاز و داخوازییەکانی سەماحەتی موقتەدا سەدر دەگرین، لە هەمان کاتیشدا بە پێویستی ئەزانین جەخت لەسەر هاتنە مەیدان و ئامادەیی جەماوەر بکەینەوە، کە بە ئیرادەی پۆڵایینیان ئەتوانن هەموو بەربەستەکان بشکێنن و بڕیاری کۆتایی لەسەر چارەنووسی نیشتمانەکەیان بدەن".