گه‌ڕان

Shadow Shadow
سیاسه‌تی

زانیاریی زیاتر

وەزیری سەرچاوە ئاوییەکان بڵاوکراوەیەکی وەزارەتەکەی لە دژی تورکیا سڕییەوە

2022.07.14 - 17:33
App store icon Play store icon Play store icon
وەزیری سەرچاوە ئاوییەکان بڵاوکراوەیەکی وەزارەتەکەی لە دژی تورکیا سڕییەوە

ناس کورد- 

وەزیری سەرچاوەکانی ئاوی عێراق سڕینەوەی بڵاوکراوەیەکی لە پەیجی وەزارەتەکەی دژی تورکیا ڕاگەیاند و دەڵێت، بڵاوکردنەوەی ئەو بابەتانە دژی دیالۆگی نێوان ئەو هەردوو وڵاتن.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە 14-7-2022، پەیجی وەزارەتی سەرچاوەکانی ئاو لە عێراق وێنەیەکی بڵاوکردەوە کە نیشانی دەدات تورکیا ڕێڕەوی ئاوی لە عێراق گرتووە و لەسەر بڵاوکراوەکە نوسراوە، "عێراق ژیانی دەوێت." 

 

 

لە ڕوونکردنەوەیەکدا مەهدی ڕەشید حەمدانی، وەزیری سەرچاوەکانی ئاو (پێنجشەممە 14-7-2022) سڕینەوەی بڵاوکراوەەکەی لە پەیجی وەزارەتەکەی ڕاگەیاند و دەڵێت، لەگەڵ مامەڵەکردنی پیشەیی و دیپلۆماسی وەزارەتەکە لەگەڵ وڵاتانی تورکیا و ئێرانی دراوسێ نەگونجاوە. 

 

ئاماژەی بەوەشکردووە، جەخت لەسەر بەردەوامبوونی دیالۆگ و دانوستان لەگەڵ ئەو دوو وڵاتە (تورکیا و ئێران) دەکاتەوە لە ڕێگەی شێوازی دیبلۆماسی و لەسەر بنەمای بەرژەوەندیی هاوبەش بە شێوەیەک کە مافی عێراق لە سامانی ئاو مسۆگەر، بکات نەک بە بڵاوکردنەوەی ئەو بابەتانە کە زیان بە دیالۆگەکان دەگەیەنن. 

 

ئەوەشی خستووەتەڕوو، "لیکۆڵینەوە لەو بابەتە دەکرێت."