گه‌ڕان

Shadow Shadow
سیاسه‌تی

زانیاری

لە كۆبوونەوەی ئەردۆغان و پوتین لە ئێران چی باس دەكرێت

2022.07.13 - 10:57
App store icon Play store icon Play store icon
لە كۆبوونەوەی ئەردۆغان و پوتین لە ئێران چی باس دەكرێت

ناس كورد-

رۆژنامەی "نیویۆرك تایمز"ی ئەمریكی پێیوایە كۆبوونەوەی لوتكەی نێوان ڤلادیمیر پوتینی سەرۆكی روسیا و رەجەب تەیب ئەردۆغانی سەرۆككۆماری توركیا كە بڕیارە هەفتەی داهاتوو  لە ئێران بەڕێوەبچێت ڕۆشنایی دەخاتە سەر "پەیوەندییەكی ئاڵۆز"ی نێوان هەردوولا.

کەناڵی ناس کورد لە تێلیگرام جۆین بکە   

 

رۆژنامەكە لە شیكارییەكی هەواڵیدا ڕایگەیاندووە، كاتێك هەردوو سەركردە لە ئێران كۆدەبنەوە، ئەوا "پەیوەندییەكی هەندێكجار هاوڕێیەتی و هەندێكجاریش ئاڵۆزی و توندی بە تایبەت دوای شەڕی ئۆكرانیا" تێكەڵ دەبن.

 

ڕۆژنامەکە ئاماژەی بەوەشکردووە، بۆ پوتین، ئەو لوتکەیە دەرفەتێک دەڕەخسێنێت بۆ هێنانەدی پشتیوانی سەربازی و ئابووری بەپەلە، لە کاتێکدا مۆسکۆ هەوڵدەدات ڕووبەڕووی یارمەتییە سەربازییەکانی رۆژئاوا بۆ ئۆکرانیا و سزاکانی رۆژئاوا بۆ سەر ڕووسیا بوەستێتەوە.


ئاماژەی بەوەشکردووە، "بۆ تورکیا کە ئەندامی ڕێکخراوی پەیمانی باکووری ئەتڵەسییە (ناتۆ)، کۆبوونەوەکە دەرفەتێک دەڕەخسێنێت تاوەكو توركیا خۆی وەك زلهێزێکی ناوچەیی كاریگەر ببینێت، لە هەمان کاتدا هەوڵدەدات نێوەندگیری لە نێوان ڕووسیا و ئۆکرانیادا بکات و بەشداری بكات لە هاوسەنگكردنەوەی پەیوەندی نێوان ڕووسیا و ڕۆژئاوا."

 

لەبارەی لوتكەی سێ قۆڵییەكەش، ڕۆژنامەکە ئاماژەی بەوەشکردووە كە "لەوانەیە لوتکەی سێ قۆڵی ئێران گفتوگۆکان لەسەر سوریا لەخۆبگرێت".

 

لە پێش شەڕی ئۆکرانیادا، ئەردۆغان لەسەرەتادا دۆخەکەی بە هەڵە خوێندەوە، لە ناوخۆشدا خۆی خستە بەر ڕەخنە بەهۆی ئەوەی کە هاوڵاتیانی تورکیای بە خێرایی چۆڵ نەکردووە و بە هەڵە خواست و پلانی پوتینی خوێندەوە، بەڵام ئەردۆغان لەو کاتەوە خۆی و وڵاتەکەی سەرقاڵكرد بە نێوەندگیری نێوان پوتین و هاوتا ئۆکراینییەکەی، ڤۆلۆدیمیر زێلێنسکی.