گه‌ڕان

Shadow Shadow
سیاسه‌تی

بەڵام چۆن

عەلی حەمەساڵح هۆكاری دانەخستنی قومارخانەكان ئاشكرا دەكات: هیچ هێزێک ناتوانێت دایانبخات

2022.07.12 - 21:03
App store icon Play store icon Play store icon
عەلی حەمەساڵح هۆكاری دانەخستنی قومارخانەكان ئاشكرا دەكات: هیچ هێزێک ناتوانێت دایانبخات

ناس كورد-

عەلی حەمەساڵح، ئەندامی پەرلەمانی كوردستان ڕایگەیاند، سەرباری ئەوەی قومارخانەكان دەیان خێزانی هەڵوەشاندووەتەوە، بەڵام "هیچ هێزێكی ناتوانێت دایانبخات چونكەی هێزی دەسەڵاتدار و چەند بەرپرسێك هاوبەشن لەگەڵ ڕوسی و لوبنانییەكاندا."

کەناڵی ناس کورد لە تێلیگرام جۆین بکە   

 

عەلی حەمە ساڵح، ڕاگەیەنراوێكی لەبارەی هۆکاری دانەخستنی قومارخانەکانی سلێمانی (12ی تەموزی 2022) بڵاوكردەوە و دەڵێت، "لە ماوەی ڕابردوودا دۆسیەی قومارخانەکانی سلێمانیمان هەڵدایەوە (پاڵاس و ئاشتی و باخان و بلورو میراڵ)، پاشان لەڕێگای لایەنە پەیوەندیدارەکانەوە کەوتینە بەدواداچون بۆ داخستنی چونكە بەهۆی ئەم قومارخانەوە دەیان خێزان هەڵوەشاوەتەوە و سەدان کەس تووشی گرفت بوون."


دەشڵێت، "بەپێی ئەو سیستمەی دانراوە (گرەو) نزیکەی 85% بەشداربووان ئەگەری دۆڕاندن هەیە، بۆیە ئەو بچێت دۆڕاوە و براوە کۆمپانیا و خاوەن شوێن و حزبە و تائێستا ملیۆنان دۆلاریان بردوەتەوە."

 

زیاتر بخوێنەوە: ژنێکی خەڵکی سلێمانی: مێردەکەم بە قومار هەموو شتێکی دانا

 

عەلی حەمەساڵح جەختیكردووەتەوە كە گەیشتووەتە دوو ئەنجام؛

یەک: هەرچەندە نایاسایە و سیستمەکەش (جهازە، ڕۆڵێت و ئەکاونت) بەشێوەیەکە هەرکەس بچێت دەدۆڕێت، بەڵام هیچ هێزێک ناتوانێت دایبخات، لەبەر ئەوەی هێزی دەسەڵاتدار و چەند بەرپرسێک هاوبەشن لەگەڵ ڕوسی و لوبنانیەکان.


دوو: خۆیان بە پێدان قەرز و وەرگرتنی بارمتەو دڵنیایی هانی خەڵک دەدەن زۆرترین پارە بدۆڕێنێت و سەدان خێزانیان هەڵوەشاندەوە.


سێ: تەنیا سەرۆکی یەکێتی و جێگری سەرۆکی حکومەت بە بەرپرسیار دەزانین.


چوار: داواکارم خەڵک نەچێت چونکە بەدڵنیایی دۆڕاویت، ئەوکات بایی ئەو سەدان هەزار دۆلار ئامێرەی هێناویانە بۆ ئەوەی ملیۆنان دۆلار لە خەڵک ببەنەوە ببێتە زیان.