گه‌ڕان

Shadow Shadow
سیاسه‌تی

بەپەلە

دەستڕێژی گوللـە لە ماڵی بەرپرسێکی یەکێتی کرا و قوربانی هەیە

2022.07.11 - 09:38
App store icon Play store icon Play store icon
دەستڕێژی گوللـە لە ماڵی بەرپرسێکی یەکێتی کرا و قوربانی هەیە

ناس کورد-

بەرەبەیانی ئەمڕۆ لەشاری هەولێر، دەستڕێژی گوللـە لە ماڵی حاجی مەسیفی، ئەندامی سەرکردایەتی کرا و بەهۆیەوە یەکێک لە پاسەوانەکانی ماڵەکەی برینداربوو. 

کەناڵی ناس کورد لە تێلیگرام جۆین بکە   

 

لەبارەی ڕووداوەکەوە حاجی مەسیفی، ئەندامی سەرکردایەتیی یەکێتی (دووشەممە 11-7-2022) لە لێدوانێکیدا کە "ناس کورد" بینیویەتی ڕایگەیاند، "شەوی ڕابردوو تا کاتژمێر 1:30 خولەک میوانم هەبوو، دواتر لە کاتژمێر 2:30 خولەک ماڵەکەم درایە بەر دەستڕێژی گوللـە." 

 

وتیشی، "لە ئەنجامدا پاسەوانێکمان برینداربوو، لەئێستادا نەشتەرگەری بۆ کراوە و تەندروستیی باشە." 

 

ئاماژەی بەوەشکرد، "من بەهۆی خەڵکی گەڕەکەکەوە پاسەوانەکانم ناچنە دەرەوە و لە ژوورەوەن، هەر بۆیە توانیویانە تەقە بکەن، ئەگەرنا کەس ناتوانێت تەقە لە ئێمە بکات، سکاڵاشمان تۆمارکردووە و چاوەڕوانی لێکۆڵینەوەی دەزگا ئەمنییەکانین."