گه‌ڕان

Shadow Shadow
سیاسه‌تی

زانیارى زیاتر

حەج و عومرەى هەرێم رونکردنەوە لەسەر دابیننەکردنى خۆراک بۆ حاجیان دەدات

2022.07.10 - 21:34
App store icon Play store icon Play store icon
حەج و عومرەى هەرێم رونکردنەوە لەسەر دابیننەکردنى خۆراک بۆ حاجیان دەدات

ناس کورد-

 

بەڕێوەبەرایەتی گشتی حەج و عومرەى هەرێم رایگەیاند، دابیننەکردنى خواردنی حاجیان لە مینا و عەرەفە "کەمتەرخەمى" دەستەی حەجی عێراق بووە.

کەناڵی ناس کورد لە تێلیگرام جۆین بکە   

 

بەپێی رونکردنەوەیەکى بەرێوەبەرایەتییەکە (10-7-2022) کە دەست "ناس کورد" کەوتووە، "لەساتی گەیشتی ئەم کەمتەرخەمیەی دەستەی حەجی عێراق بەڕێوەبەرایەتی گشتی حەج وعومڕە لەماوەیەک زۆر زوو چارەسەری دۆخەکەی کردو لەسەر ئەرکی وەزارەتی ئەوقاف وکاروباری ئایینی /بەڕێوەبەرایەتی گشتی حەج و عومرە خواردنی پێویستی گەیاندە ھەمووحاجیانی کوردستان لەناوچەی مینا".

 

ئەو رونکردنەوەیە دواى ئەوەهات کە بەشێک لە حاجیانى کورد لە مینا لەچەند گرتەیەکى ڤیدیۆییدا جەختیانکردەوە کە ماوەى چەند رۆژێکە خۆراکیان بۆ دابین نەکراوە.

 

دەقى رونکردنەوەکە:

 

روونکردنەوەیەک لە بەڕێوەبەرایەتی گشتی حەج و عومرە

دوای بڵاوبوونەوەی گرتەی ڤیدیۆی حاجیان لەناوچەی مینا ئەم خاڵانە دەخەینەروو

 

یەکەم: بەپێ ی رێنمایی دەستەی حەجی عێراق ئەرکی دابین کردنی خواردن لە (عەرەفەو مینا )لەئەستۆی دەستەی حەجی عێراقە ئەویش بەپێ ی ئەو ڕێژە پارەیەی کەدەدرێتە دەستەکە بۆھەرحاجیەک بڕی ( ٣٤٠٠) دۆلارە کە دەبوایە خواردنی مینا و عەرەفە لەو بڕە پارە دابین کرابایە.

 

دووەم: ھیچ حاجیەک چوار رۆژ لەناوچەی مینا نامێنێتەوە بەڵکو تەنیا دوو رۆژ حاجیان  لەمینا دەمێنێتەوە.

 

سێ یەم: بەداخەوە بەکاتێکی درەنگ دەستەی حەجی عێراق پەیامیان ناردووە کە ئامادەکاریان نەکردووە خواردنیان بۆ حاجیان ئامادەنەکردووە ئەمەش بۆ  کەمتەرخەمی ئەوان دەگەڕێتەوە.

 

چوارەم: لەساتی گەیشتی ئەم کەم تەرخەمیەی دەستەی حەجی عێراق بەڕێوەبەرایەتی گشتی حەج وعومڕە لەماوەیەک زۆر زوو چارەسەری دۆخەکەی کردو لەسەر ئەرکی وەزارەتی ئەوقاف وکاروباری ئایینی /بەڕێوەبەرایەتی گشتی حەج و عومرە خواردنی پێویستی گەیاندە ھەمووحاجیانی کوردستان لەناوچەی مینا.

 

لێرەوەجەخت دەکەینەوە کە خزمەتکردنی حاجیانی کوردستان و پاراستنی تەندروستی و سەلاماتیان بەئەکی سەرشانی خۆمان دەزانین خوای گەورە ھەموولایەک پارێزێت.

 

بەڕێوەبەرایەتی گشتی حەج و عومرە

١٠⁄٧⁄٢٠٢٢

 

مەککەی پیرۆز