گه‌ڕان

Shadow Shadow
سیاسه‌تی

کێبڕکێی سەرۆککۆمار

پارتى داواى ’’کاندیدى هاوبەش’’ دەکات و یەکێتیش دەڵێت ’’کێبڕکێکە قورسە’’

2022.07.10 - 18:01
App store icon Play store icon Play store icon
پارتى داواى ’’کاندیدى هاوبەش’’ دەکات و یەکێتیش دەڵێت ’’کێبڕکێکە قورسە’’

ناس کورد-

 

پەرلەمانتارێکى پارتى رایگەیاند، حزبەکەى سورە لەسەر بەدەستهێنانى پۆستى سەرۆککۆمار مەگەر لە حاڵەتێکدا لەگەڵ یەکێتی ڕێکبکەون لەسەر کاندیدێک جێی ڕەزامەندی هەردوولا بێت.

کەناڵی ناس کورد لە تێلیگرام جۆین بکە   

 

شوان محەمەد (10-7-2022) بە دەنگی ئەمەریکای وت "تا ئێستا هیچ ڕێککەوتنێک لە نێوان یەکێتی و پارتی لەسەر پۆستی سەرۆککۆمار نیە، پارتی ڕێبەر ئەحمەد کاندیدیەتی و هەوڵی بۆ دەدات ببێتە سەرۆک کۆمار".

 

وتیشى "پارتی پێداگیرە لەسەر پشتگیری کردنی کاندیدەکەی، مەگەر لە حاڵەتێکدا لەگەڵ یەکێتی ڕێکبکەوین لەسەر کاندیدێک جێی ڕەزامەندی هەردوولا بێت."

 

گەر پارتی و یەکێتی لەسەر کاندیدێکی هاوبەش بۆ پۆستی سەرۆک کۆمار ڕێکنەکەون، ئەوکات ململانێکەیان دەبەنە نێو پەرلەمانی عێراقەوە، دەنگی پەرلەمانتاران کاندیدی لایەکیان بۆ پۆستەکە یەکلایی دەکاتەوە.

 

رێزان شێخ دلێر راوێژکاری پێشووی مەکتەبی سیاسی یەکێتی جەختیکردەوە، حیزبەکەی دەستبەرداری پۆستی سەرۆک کۆمار و کاندیدەکەشی کەبەرهەم ساڵحە نابێت.

 

 وتیشى "دوو ڕۆژ پێش جەژن، مەکتەبی سیاسی یەکێتی کۆبوویەوە و جەختیان لەسەر کاندیدکردنەوەی بەرهەم ساڵح کردەوە، لەگەڵ ئەوەشدا کێبەرکێکە قورس دەبێت، دەبێت ئیش لەسەر شەخسی پەرلەمانتاران بکرێت، تا دەنگ بە دکتۆر بەرهەم بدەن."

 

بەردەوامى ناکۆکى پارتى و یەکێتى لەسەر ئەو پۆستە لەکاتێکدایە، سەرکردەیەکى چوارچێوەى هەماهەنگى دەڵێت ئەگەر ئەو دوو حزبە رێکنەکەون زۆر چاوەڕوانیان ناکەن و کێشەکە یەکلایی دەکەنەوە.

 

قەیس خەزعەلى ئەمیندارى گشتى عەسائیبى ئەهلى حەق (10-7-2022) لە وتارى جەژندا هۆشداریدایە لایەنە کوردیەکان کە ئەگەر لەسەر کاندیدێک ڕێکنەکەون، زۆر چاوەڕوان نابن لەبابەتی دیاریکردن و هەڵبژاردنی سەرۆ کۆمار.