گه‌ڕان

Shadow Shadow
سیاسه‌تی

ڤیدیۆکە ببینە

ڤیدیۆیەکی ڕوونتری کاتی تەقەکردنی لە شینزۆ ئابێ بڵاوکرایەوە

2022.07.08 - 20:03
App store icon Play store icon Play store icon
ڤیدیۆیەکی ڕوونتری کاتی تەقەکردنی لە شینزۆ ئابێ بڵاوکرایەوە

ناس کورد-

ڤیدیۆیەکی تری ساتی تەقەکردن لە شینزۆ ئابێ، سەرۆکوەزیرانی پێشووی ژاپۆن بڵاوکرایەوە کە کەمتەرخەمی لایەنی ئەمنی نیشان دەدات.

کەناڵی ناس کورد لە تێلیگرام جۆین بکە   

 

وەک لە ڤیدیۆکەدا دیارە، شینزۆ ئابێ بە مایکێک خەریکی وتاردانە لەسەر شۆستەیەک، لەناکاو تەقەکەرەکە دوو گولـلە دەنێت بە شینزۆ ئابێ، دووەمیان بەرسنگی دەکەوێت. 

 

دوای ئەوەی بەیانی ئەمڕۆ تەقەی لێکرا، شینزۆ ئابێ، سەرۆکوەزیرانی پێشووی ژاپۆن بەهۆی سەختی برینەکەیەوە گیانی لەدەست دا، تەلەڤزیۆنی فەرمیی ژاپۆن ڕایگەیاند.  

  

بەیانی ئەمڕۆ هەینی، 8ی تەموزی 2022، شینزۆ ئابێ لە میانی پێشکەشکردنی وتارێکیدا لە شاری کیۆتۆ کە لە هەڵمەتی بانگەشەی هەڵبژاردنی کاندیدی پارتی لیبراڵ دیموکرات تەقەی لێ کرا، میدیاکانی ژاپۆن دەڵێن تۆمەتباری سەرەکی ڕووداوەکە ئەندامێکی پێشووی هێزی بەرگریی دەریایی ئەو وڵاتەیە.      

  

ئاژانسی ڕۆیتەرز دەڵێت تۆمەتبارەکە چەکێکی بە دەست دروستکراوی بەکارهێناوە.      

  

بەپێی ئاژانسی فرانس پرێس، دوای گواستنەوەی بۆ نەخۆشخانە، دڵی ئابێ لەکار کەوتووە و خراوەتە ژێر ئامێری هەناسەدانی دەستکرد، کەمێک پێش ئێستا مردنی ناوبراو بە فەرمی ڕاگەیەنرا.    

  

شینزۆ ئابێ کە لە ساڵانی 2012-2020 سەرۆکوەزیرانی ژاپۆن بوو، توانی دریژترین ماوە لە پۆستەکەیدا بمێنێتەوە و دوو ساڵ لەمەوبەر بە هۆکاری تەندروستی، پۆستەکەی جێهێشت.      

  

  

  

me_ga.php?id=5402Shinzo Abe being carried on a stretcher to a medical helicopter in Nara, Japan, on Friday.