گه‌ڕان

Shadow Shadow
سیاسه‌تی

زانیارى زیاتر

پارێزگارى هەولێر: حکومەت ناتوانێت قەرەبووى سوتانى ئۆتۆمبێل بەهۆى خراپى بەنزین بکاتەوە

2022.07.07 - 14:15
App store icon Play store icon Play store icon
پارێزگارى هەولێر: حکومەت ناتوانێت قەرەبووى سوتانى ئۆتۆمبێل بەهۆى خراپى بەنزین بکاتەوە

ناس کورد-

 

پارێزگارى هەولێر رایگەیاند، حکومەت ناتوانێت قەرەبووى سوتانى ئۆتۆمبێلى هاوڵاتییان بکاتەوە بەهۆى خراپى بەنزینەوە و شۆفێران دەتوانن سکاڵا لەسەر خاوەن بەنزینخانەکان تۆماربکەن.

کەناڵی ناس کورد لە تێلیگرام جۆین بکە   

 

ئومێد خۆشناو (7-7-2022) لە کۆنفرانسێکى رۆژنامەنوسیدا لەبارەى سوتانى ئۆتۆمبێل بەهۆى خراپى بەنزینەوە وتى "هۆکارەکە تەنها ئەوە نییە، بەڵکو دیکەش هەیە وەک کەمتەرخەمى شۆفێر و چارەسەرنەکردنى کارەبایی ئۆتۆمبێل".

 

وتیشى "تائێستا هیچ حاڵەتێکمان نەبووە کە بیسەلمێنێت بەهۆى خراپى بەنزینەوە ئۆتۆمبێلێک سوتابێت، هاوڵاتییان دەتوانن رێڕەوى یاسایی خۆیان بگەنەبەر لەو بارەیەوە و سکاڵا لەسەر بەنزینخانەکە تۆماربکەن".

 

"ئەگەر ئەوە سەلما ئەوکات خاوەنى بەنزینخانەکە بەرپرسە لە قەرەبووکردنەوەى هاوڵاتییەکە، چونکە هیچ ماددەیەکى یاسایی نییە بۆ ئەوەى حکومەت قەرەبووى ئەو هاوڵاتییە بکاتەوە و هیچ بودجەیەکیش نییە بۆ ئەو مەبەستە"، ئومێد خۆشناو وایوت.