گه‌ڕان

Shadow Shadow
سیاسه‌تی

کاندیدى سەرۆک وەزیران

بارزانى لەسەر ’’ناردنى پەیامى جیاواز’’ بۆ چوارچێوەى شیعى رونکردنەوە دەدات

2022.07.06 - 23:10
App store icon Play store icon Play store icon
بارزانى لەسەر ’’ناردنى پەیامى جیاواز’’ بۆ چوارچێوەى شیعى رونکردنەوە دەدات

ناس کورد-

 

مەسعود بارزانى رەتیکردەوە پەیامى جیاوازى بۆ سەركردەكانی چوارچێوەی هەماهەنگی ناردبێت لەبارەى كاندیدانی سەرۆك وەزیرانی داهاتوو.

کەناڵی ناس کورد لە تێلیگرام جۆین بکە   

 

بارەگاى بارزانى (6-7-2022) لەرونکردنەوەیەکدا کە دەست "ناس کورد" کەوتووە رایگەیاند، لە ژمارەیەك دەزگای راگەیاندن و میدیادا وا بڵاو بووەتەوە لەسەر بابەتی پڕۆسەی سیاسی و ناوی كاندیدانی سەرۆك وەزیرانی حكوومەتی داهاتووی عێراق، سەرۆك بارزانی پەیامی جیاوازی بۆ سەركردەكانی چوارچێوەی هەماهەنگی ناردووە.

 

ئاماژە بەوەشکراوە "لێرەدا بە گشت لایەك ڕادەگەیێنین ئەو هەواڵە دوورە لە ڕاستی و هیچ بنەمایەكی نیە".

 

بارەگاى بارزانى جەختیکردووەتەوە، لە پڕۆسەی سیاسیی عێراق و حكوومەتی داهاتوودا، ناوی كەس و لایەن بە لای بارزانیەوە گرنگ نیە بەڵكو جێبەجێكردنی دەستوور، بەرنامەی حكوومەتی داهاتووی عێراق گرنگە كە هاوكات ئەو بەرنامەیە دەبێ لەسەر بنەمای هەر سێ پڕەنسیپی شەراكەت و هاوسەنگی و سازان بێت.