ناس کورد-
قوباد تاڵەبانى جێگرى سەرۆکى حکومەتى هەرێم رایگەیاند، ئە‌نجومە‌نی وە‌زیران پڕۆژە یاسای كار-ی پە‌سە‌ند كرد. یاسایە‌كی گرنگ و سەردەمیانەیە کە ئابووریی و بازاڕ و کەرتی تایبەت زیاتر دەبوژێنێتەوە.
کەناڵی ناس کورد لە تێلیگرام جۆین بکە
قوباد تاڵەبانى (6-7-2022) لە راگەیەنراوێکدا کە دەست "ناس کورد" کەوتووە ئاماژەى بەوەکردووە، لەم یاسایەدا مافی کرێکاران و کارمەندانی کەرتی تایبەت پارێزراوە و یەکسانی رەگەزیی لەبەرچاوگیراوە و بەپێی ستانداردی نێودەوڵەتی گرێبەستی کار و کاتەکانی كار کردن و مۆڵەت وەرگرتن، بەتایبەتیش مافی نەوجەوانان و ژنان، رێکخراوەتەوە.
وتیشى لەڕێی ئەم یاسایەوە، بەشێوازێکی ڕێکخراوتر و باشتر مامەڵە لەگەڵ کرێکاری بیانی دەکرێت و مافەکانیان پارێزراوتر دەبێت لەگەڵ رەچاوکردنی مافەکانی کرێکاری خۆماڵی لە پرسی دابینکردنی هەلی کار بۆ دەستی کاری خۆماڵی.
