ناس کورد-
ساڵح عوسمان، بەڕێوەبەری نشینگەی سلێمانی دوای گۆڕینی لە پۆستەکەی پەیامێکی بڵاوکردەوە و رایگەیاند، "لە هەر شوينێك بين، ميژویەكی جوانمان لەگەڵدایە، پشویەكی بێ دەنگ، جوانترو گەورەترمان دەكات. خزمەت و خزمەتگوزاری خەڵک، تاجی سەری خزمەتگوزارە".
کەناڵی ناس کورد لە تێلیگرام جۆین بکە
ساڵح عوسمان لە فەیسبوکی (6ی تەموزی 2022) دەڵێت، "داهاتوو لەسەر مێژوی رابردو بونیاد دەنرێ، بۆیە بەو باوەڕەی کە ڕەگی قوڵی لەناخ داکوتاوە و بە خاکی بونمان بەردوام دەبین لە خزمەتی خەڵک و خاک".
دوێنێ سێشەممە لە چوارچێوەی گۆڕانكاریی لە پۆستە حكومیەكاندا، بە ئامادەبوونی دابان شەدەڵە، نوێنەری قوباد تاڵەبانی، جێگری سەرۆكی حكومەتی هەرێمی كوردستان ڕەئوف مالیک وەك بەڕێوەبەری نشینگەی پارێزگای سلێمانی بەوەكالەت دەست بەكار بوو.
